ايماق باسشىسى جالپى وڭىردە ورتالىقتاندىرىلعان اۋىز سۋ جۇيەسىنە قوسىلماعان 200-دەن استام اۋىل بار ەكەنىن ايتا كەلە، جيىندا بايانداما جاساعان وبلىستىق ەنەرگەتيكا جانە ءتۇرعىن-ۇي كوممۋنالدىق شارۋاشىلىق باسقارماسىنىڭ باسشىسى م.مارايىمعا ءبىرقاتار تاپسىرمالار جۇكتەدى.
– بۇگىندە وبلىس حالقىنىڭ 12 پايىزى، ياعني شامامەن 200 مىڭعا تارتا تۇرعىنى ورتالىقتاندىرىلعان اۋىز سۋ جۇيەسىنە قوسىلماعان. وسى باعىتتاعى جۇمىستاردى جۇيەلەندىرۋمىز كەرەك. باعدارلاما تالاپتارىنا سايكەس، ەلدى مەكەندەردە قۇرىلىس جۇمىستارىن جۇرگىزۋ ءۇشىن، ءبىرىنشى كەزەكتە جەر استى سۋ قورلارىنا گەولوگيالىق ىزدەۋ-بارلاۋ جۇمىستارىن جۇرگىزۋ قاجەت. وسى جۇمىستاردىڭ قورىتىندىسى نەگىزىندە قۇرىلىس جۇمىستارىن جۇرگىزۋ ءۇشىن جوبالاۋ-سمەتالىق قۇجاتتارىن ازىرلەۋ كەرەك، – جانسەيىت قانسەيىت ۇلى.
باسقارما باسشىسى وسى باعىتتا، 2016-2018 جىلدارى حالىق سانىنىڭ باسىمدىعىنا قاراي 117 ەلدى مەكەننىڭ جوبالاۋ-سمەتالىق قۇجاتتارى ازىرلەنىن جەتكىزدى. وبلىستىڭ دامۋ جوسپارىنا سايكەس، الداعى 3 جىلدا 84 ەلدى مەكەندى ورتالىقتاندىرىلعان اۋىز سۋمەن قامتۋ جوسپارلانىپ وتىر. 2018 جىلى اۋىز سۋ سالاسىنا 11،0 ملرد.تەڭگە ءبولىنىپ، 76 نىساننىڭ قۇرىلىسى ىسكە اسىرىلۋدا. ونىڭ ىشىندە، 20 نىسان اعىمداعى جىلى پايدالانۋعا بەرىلسە، 56 نىساننىڭ قۇرىلىسى 2019 جىلعا وتپەلى. سونىمەن قاتار باسقارما باسشىسى جىل سوڭىنا دەيىن 13 ەلدى مەكەن اۋىز جۇيەلەرىمەن قامتىلسا، 2 ەلدى مەكەننىڭ توزىعى جەتكەن سۋ قۇبىرلارى قايتا جاڭارتىلىپ، 2 مولتەك اۋداندا جانە 4 سۋاعارلار قۇرىلىسى اياقتالاتىنىن ايتتى.
جيىندى قورىتىندىلاعان وبلىس اكىمى باسقارما باسشىسىنا وزگە ايماقتارمەن سالىستىرعاندا حالقتى اۋىز سۋمەن قامتۋ دەڭگەيى قانداي ەكەنىن انىقتاۋدى جانە اتالعان سالاعا اۆتوماتتاندىرۋ جۇيەسىن ەنگىزۋدى تاپسىردى.
