2024 جىلى قازاقستان قارۋلى كٷشتەرٸنٸڭ قاتارىنا 40 202 ازامات شاقىرتىلعان. ال بيىل ەسكەري بورىشىن ٶتەۋٸ تيٸس ازاماتتار سانى 42 098-گە جەتٸپ وتىر. الايدا ولاردىڭ 20 مىڭعا جۋىعى ٶز ەركٸمەن ەسكەري قىزمەتكە بارۋدان باس تارتقان, دەپ حابارلايدى Dalanews.kz.
بۇل تۋرالى قر قورعانىس مينيسترلٸگٸ Kazinform اگەنتتٸگٸنٸڭ رەسمي ساۋالىنا بەرگەن جاۋابىندا مەلٸمدەدٸ.
“2024 جىلى مەرزٸمدٸ ەسكەري قىزمەتكە 40 202 ادام شاقىرىلدى. 2025 جىلى بۇل سان 42 098 ادامعا جەتپەك. الايدا كونستيتۋتسييانىڭ 36-بابىندا جەنە پرەزيدەنت جارلىعىندا بەلگٸلەنگەن تالاپتارعا قاراماستان, شامامەن 20 مىڭ ازامات ەسكەري بورىشىن ٶتەۋدەن جالتارىپ جٷر”, — دەپ حابارلادى مينيسترلٸك.
ۆەدومستۆو مەلٸمەتٸنشە, ەشبٸر زاڭدى سەبەپسٸز ەسكەري قىزمەتتەن باس تارتقان ازاماتتار بٸر جىلعا دەيٸن باس بوستاندىعىنان ايىرىلۋى مٷمكٸن.
“قازاقستان رەسپۋبليكاسىنىڭ ەكٸمشٸلٸك قۇقىق بۇزۋشىلىق تۋرالى كودەكسٸنٸڭ 647-بابىنا سەيكەس, ەسكەري ەسەپتە تۇرعان نەمەسە ەسەپكە تۇرۋى تيٸس ازامات شاقىرۋ قاعازىندا كٶرسەتٸلگەن مەرزٸمدە جەرگٸلٸكتٸ ەسكەري باسقارۋ ورگانىنا كەلمەسە, وعان 5 ايلىق ەسەپتٸك كٶرسەتكٸش (اەك)مٶلشەرٸندە ايىپپۇل سالىنادى. ال 648-باپقا سەيكەس, مەديتسينالىق تەكسەرۋدەن نەمەسە ەسكەري ەسەپكە قويۋ, نە شاقىرۋ كوميسسيياسىنىڭ جولداماسى بويىنشا تەكسەرٸستەن ٶتۋدەن جالتارعان ازاماتقا دا 5 اەك كٶلەمٸندە ايىپپۇل قاراستىرىلعان.
سونىمەن قاتار قىلمىستىق كودەكستٸڭ 387-بابىنا سەيكەس, مەرزٸمدٸ ەسكەري قىزمەتتەن زاڭسىز سەبەپسٸز جالتارعان ازاماتقا 1 000 اەك-كە دەيٸن ايىپپۇل سالىنىپ, نەمەسە بٸر جىلعا دەيٸن باس بوستاندىعى شەكتەلۋٸ نە ايىرىلۋى مٷمكٸن”, — دەلٸنگەن قورعانىس مينيسترلٸگٸنٸڭ جاۋابىندا.
