«اكسەلەراسيانىڭ العى قادامدارىنان وتكەن 39 جوبانىڭ جيىرماسى تاڭدالىپ الىندى. ەندى ولار اكسەلەراسيانىڭ تولىق باعدارلاماسىنان ءوتىپ، ەلىمىزدىڭ ءار ايماعىندا جۇزەگە اسۋى ءۇشىن جۇمىستار جۇرگىزىلەدى. بۇگىندە اكسەلەراتورلاردىڭ الدىندا ءۇش باستى مىندەت تۇر. ياعني، دايىن دەگەن جوبالارعا ساراپتىق جانە ادىستەمەلىك كومەك كورسەتۋ كەرەك، ولارعا ينۆەستيسيالار تارتۋ قاجەت جانە وسى جوبالاردى جان-جاقتى تاراتىپ، اياسىن كەڭەيتۋ كوزدەلىپ وتىر، - دەدى جوبا كۋراتورى، «رۋحاني جاڭعىرۋ» قازاقستاندىق قوعامدىق دامۋ ينستيتۋتى ساراپتاۋ جانە ادىستەمەلىك قامتاماسىز ەتۋ باسقارماسىنىڭ جەتەكشىسى ليۋدميلا بۋرلاچەنكو.
ونىڭ ايتۋىنشا «وزگەرىستىڭ ءسارۋارلارى» جوباسىنىڭ قاتىسۋشىلارى ءبىلىم، مادەنيەت، ينكليۋزيا، ەكولوگيا باعىتتارى بويىنشا ءتورت توپقا بولىنگەن.
«ءبىز تەك ءوز كاسىپتەرىنەن تابىس تاۋىپ قانا وتىرعانداردى ەمەس، الەۋمەتتىك ماڭىزى بار، قوعامعا تيگىزەر پايداسى مول جوبالاردى قولدايمىز. ءار جوبا «رۋحاني جاڭعىرۋ» باعدارلاماسىنىڭ باستى ۇستانىمدارىنا سايكەس كەلەدى. ناقتى ايتقاندا، اتالمىش جوبالار بارلىق قۇندىلىقتاردى ساقتاي وتىرىپ، ءوز سالاسىندا ۇزدىك بولۋى ءتيىس، سونداي-اق، يننوۆاسيالىق تۇردە ۇنەمى ۇزدىكسىز دامۋى قاجەت. ءقازىردىڭ وزىندە قازاقستاندى حالىقارالىق نارىقتا العا جەتەلەپ، اتىن قالىپتاستىرعان برەندتەر بار، – دەپ اتاپ ءوتتى ليۋدميلا بۋرلاچەنكو.
ماسەلەن، سونداي جوبالاردىڭ ءبىرى – «Aspara Fashion week». مادەنيەت سالاسىندا جۇزەگە اسىپ جاتقان بۇل جوبا fashion-يندۋستريا تاريحىندا ءبىرىنشى رەت حالىقارالىق دەڭگەيدە ونلاين ءسان اپتالىعىن وتكىزىپ جاتىر.
ءبىلىم بەرۋ سالاسىندا «Open English» جوباسى دا ەرەكشە نازار اۋدارتادى. بۇل الەۋمەتتىك جوبادا ەرىكتى جاستار جوعارى سىنىپ وقۋشىلارىنا اعىلشىن ءتىلىن ۇيرەتەدى. سونىمەن قاتار، اتالمىش جوبا ەرىكتى جاستارعا باسقارۋ تەحنولوگياسىنىڭ زاماناۋي ۇلگىلەرىنە بەيىمدەپ، كوشباسشىلىق قاسيەتتەرىن ارتتىرادى جانە الداعى ۋاقىتتا جۇمىسقا ورنالاسۋ ماسەلەسىن دە جەڭىلدەتەدى.
جيىرما جوبانىڭ سەگىزى ينكليۋزيۆتى سالاعا ارنالادى. ولاردى وسى باعىتتاعى تاجىريبەسى مول «بولاشاق»، «سالاماتتى بولاشاق»، «زامانداس» قورلارى جانە ەندى عانا قۇرىلعانىمەن الەۋمەتتىك سالاعا يننوۆاسيالىق كوزقاراسىمەن ەنگەن «Altyn bala» كاسىپكەرلەرى جۇزەگە اسىرماق. بۇلاردان بولەك، ينكليۋزيۆتى باعىت بويىنشا «Kunde» جانە «Emoji» الەۋمەتتىك كافەلەرى جۇمىس جاساپ جاتىر.
اكسەلەراتورلار قاتارىنا قوسىلعان جوبالاردىڭ ىشىندە بۇرىننان جۇيەلى جۇمىس جاساپ كەلە جاتقان جەلىلىك ۇيىمدار دا بار. ماسەلەن، سولاردىڭ ءبىرى رەتىندە قازاقستاننىڭ ءار ايماعىندا جۇمىس جاسايتىن «ازاماتتىق باستامالار ورتالىعىنىڭ» جەلىسىن جانە اتا-انالار مەن مەكتەپ اراسىنداعى بايلانىستى نىعايتۋعا ارنالعان «QOLDAU» ءبىلىم بەرۋ ۇيىمدارىنىڭ قامقورلىق كەڭەسى» قوعامدىق بىرلەستىگىن ايتۋعا بولادى.
«اكسەلەراتورلار جۇمىسىنىڭ باستى ەرەكشەلىگى رەتىندە ءار جوباعا جەكە توقتالىپ، تىڭعىلىقتى كوڭىل بۇراتىندىعىن ايتۋعا بولادى. ساراپشىلاردىڭ 3 اي ىشىندە اتقارعان جۇمىستارىنىڭ ارقاسىندا اتالعان جوبالار جان-جاقتى دامۋى ءۇشىن زور قولداۋعا قول جەتكىزدى»، – دەپ ليۋدميلا بۋرلاچەنكو ءوز ويىن قورىتىندىلادى.
ەندى كۋراتوردىڭ ايتۋىنشا، تاڭدالىپ الىنعان 20 جوبا تەك جەرگىلىكتى دەڭگەيدە قالىپ قويماي، ماسشتابىن كەڭەيتىپ، «رۋحاني جاڭعىرۋدىڭ» ايماقتىق جوبالار ورتالىعىمەن بايلانىسا وتىرا بارلىق ايماقتا جان-جاقتى داميتىن بولادى.
