سينوپتيكتەر الداعى كۇندەرگە ارنالعان اۋا رايى بولجامىن ۇسىندى، دەپ حابارلايدى Dalanews.kz.
الداعى ءۇش كۇندە قازاقستانداعى اۋا رايىنا ەكى جاعداي اسەر ەتەدى.
"باتىستان شىعىسقا قاراي جىلجيتىن سيكلون سالدارىنان اۋا رايى تۇراقسىز بولىپ، جاۋىن-شاشىن (جاڭبىر، قار)، كەي كەزدە قاتتى جاۋىن-شاشىن جاۋادى. ارتىنشا سولتۇستىك، شىعىس، ورتالىق وڭىرلەر سولتۇستىك انتيسيكلوننىڭ ىقپالىنا ءوتىپ، اۋا تەمپەراتۋراسى تومەندەيدى"، - دەدى سينوپتيكتەر.
ەل بويىنشا تۇمان ءتۇسىپ، جەل كۇشەيەدى، سولتۇستىك، شىعىس، ورتالىق ايماقتاردا كوكتايعاق بولۋى مۇمكىن.
16، 17 ساۋىردە سولتۇستىكتە تۇنگى اۋا تەمپەراتۋراسى -1…-8 گرادۋسقا دەيىن، كۇندىز +1…+8 گرادۋسقا دەيىن تومەندەيدى. 18 ساۋىرگە قاراي شىعىستا تۇندە -2…-18 گرادۋسقا دەيىن وزگەرسە، كۇندىز 0…+13 گرادۋس بولادى.
