قازاقستاندىقتاردىڭ جەكە دەرەگٸ جاڭادان تارادى دەگەن اقپارات شىندىققا جاناسپايدى. بۇل تۋرالى تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ جاسلان مەديەۆ مەلٸمدەدٸ, دەپ حابارلايدى Dalanews.kz.
ونىڭ ايتۋىنشا, جەلٸدە جارييالانعان دەرەكتەر بۇرىننان بەلگٸلٸ بازالاردىڭ جاڭارتىلعان نۇسقاسى عانا بولۋى مٷمكٸن.
“قازاقستاندىقتاردىڭ جەكە مەلٸمەتتەرٸ قانداي دا بٸر Telegram-ارنالاردا پايدا بولا قالسا, بٸز ولاردى دەرەۋ بۇعاتتايمىز. راس, كەيبٸر ەسكٸ دەرەكتەر جاڭارتىلعان تٷردە قايتا جارييالاندى. بٸراق ولاردىڭ بارلىعى 2024 جىلدىڭ 1 مامىرىنا دەيٸنگٸ كەزەڭگە تيەسٸلٸ. ياعني, جاڭا اۋقىمدى اقپاراتتىڭ تاراۋى تٸركەلگەن جوق”, — دەدٸ مينيستر مەجٸلٸس كۋلۋارىندا ٶتكەن بريفينگتە.يۋ
بۇعان دەيٸن
ايتا كەتەيٸك, 17 ماۋسىم كٷنٸ تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸگٸ 16 ميلليون قازاقستاندىقتىڭ جەكە دەرەگٸ تارادى دەگەن اقپاراتتى تەكسەرٸپ جاتقانىن حابارلاعان ەدٸ.
بۇل كٶرسەتكٸش ەل حالقىنىڭ باسىم بٶلٸگٸن قامتيدى. تاراپ كەتكەن دەرەكتەردە تۇرعىنداردىڭ تەگٸ, اتى, ەكەسٸنٸڭ اتى, جىنىسى, تۋعان كٷنٸ, جسن, مەكەن جايى, تەلەفون نٶمٸرلەرٸ (ۇيالى, ٷي جەنە جۇمىس تەلەفوندارى), ازاماتتىعى, ۇلتى جەنە باسقا مەلٸمەتتەر كەزدەسەدٸ.
مامانداردىڭ ايتۋىنشا, بۇل دەرەكتەر قالاي تارالعانى ەزٸرگە بەلگٸسٸز. بۇرىن جارييالانعان مەلٸمەتتەردٸ جيناقتاۋ ارقىلى پايدا بولۋى نەمەسە بۇل مٷلدە جاڭا وقيعا بولۋى مٷمكٸن. كەيبٸر دەرەكتەر جابىق Telegram ارنالار ارقىلى ساتىلىپ كەتۋٸ دە عاجاپ ەمەس.
ال مينيسترلٸك مەلٸمەتٸنشە, ازاماتتاردىڭ جەكە دەرەكتەرٸ تاراپ كەتكەنٸ تۋرالى اقپارات تەكسەرٸلٸپ جاتىر.
"بارلىق بەيٸندٸ ۆەدومستۆو مەن قىزمەتتەر جۇمىلدىرىلدى. جان-جاقتى تەكسەرٸس جٷرگٸزٸلٸپ, سونىڭ ٸشٸندە دەرەكتەردٸڭ ٶزەكتٸلٸگٸ تەكسەرٸلٸپ جاتىر. باستاپقى تالداۋ جۇمىستارى دەرەكتەردٸڭ كٶپشٸلٸگٸ ەسكٸرگەنٸن كٶرسەتتٸ", - دەدٸ مينيسترلٸك ٶكٸلٸ.
مينيسترلٸك مەلٸمدەمەسٸ
كەيٸن تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸگٸ قازاقستاندىقتاردىڭ جەكە دەرەگٸ تاراپ كەتسە, eGov-تان حابارلاما كەلەتٸنٸن جەتكٸزدٸ.
"العاشقى تالداۋ جۇمىستارى بۇل دەرەكتەر مەملەكەتتٸك ەمەس, جەكەمەنشٸك جٷيەلەردەن الىنۋى مٷمكٸن ەكەنٸن كٶرسەتٸپ وتىر. مەملەكەتتٸك جٷيەلەردەن جەكە دەرەكتەر تاراعان جوق, حاكەرلٸك شابۋىلدار سالدارىنان اقاۋ دا تٸركەلگەن جوق", - دەدٸ مينيسترلٸك ٶكٸلدەرٸ.
ۆەدومستۆو مەلٸمەتٸنشە, تەكسەرٸس تولىق اياقتالعانعا دەيٸن قانداي دا بٸر قورىتىندى جاساۋعا ەرتە.
"ازاماتتىڭ جەكە دەرەكتەرٸ تاراپ كەتكەن مەلٸمەتتەر اراسىندا بولسا, بۇل تۋرالى ەلەكترون ٷكٸمەت پورتالى (eGov) ارقىلى جەكە كابينەتٸنە حابارلاما جولدانادى", - دەپ جازىلعان مەلٸمەتتە.
