الەۋمەتتىك جەلىدە 15 قىركۇيەكتەن باستاپ وقۋشىلار قاشىقتان وقىتۋعا جىبەرىلەتىنى تۋرالى اقپارات شىندىققا جاناسپايدى، دەپ حابارلايدى Dalanews.kz stopfake.kz-كە سىلتەمە جاساپ.
جالعان اقپاراتتا 15 قىركۇيەكتەن باستاپ ەلىمىزدە ماسكا تاعۋ رەجيمى ەنگىزىلىپ، وقۋشىلار قاشىقتان وقۋعا جىبەرىلەتىنى تۋرالى ايتىلعان.
ق ر سانيتارلىق-ەپيدەميولوگيالىق باقىلاۋ كوميتەتى بۇل اقپاراتقا قاتىستى پىكىر ءبىلدىردى.
"مەسسەندجەرلەردە 15 قىركۇيەكتەن باستاپ بالالاردى قاشىقتان وقىتۋعا جىبەرەدى جانە مەكەمەلەردە ماسكامەن ءجۇرۋ رەجيمى ەنگىزىلەدى دەگەن اقپارات تارادى. بۇل - جالعان. جىل سايىن ەپيدەميالىق ماۋسىم كەزەڭىندە پروفيلاكتيكالىق جانە ەپيدەمياعا قارسى ءىس-شارالاردى وتكىزۋدى كوزدەيتىن ق ر باس مەملەكەتتىك سانيتاريالىق دارىگەرىنىڭ قاۋلىسى بەكىتىلەدى. قاۋلىعا سايكەس، بيىلعى جىلدىڭ 15 قىركۇيەگىنەن باستاپ تۇماۋعا قارسى ۆاكسيناسيا جۇرگىزۋ باستالادى. ماسكا تاعۋ رەجيمى تەك مەديسينالىق ۇيىمداردىڭ قىزمەتكەرلەرى ءۇشىن عانا ەنگىزىلەدى"، - دەلىنگەن حابارلامادا.
قاۋلىمەن تولىعىراق ق ر دسم سانيتاريالىق-ەپيدەميولوگيالىق باقىلاۋ كوميتەتىنىڭ سايتىندا مىنا سىلتەمە بويىنشا تانىسۋعا بولادى.
"بارلىق ازاماتتاردى رەسمي اقپارات كوزدەرىندەگى سەنىمدى اقپاراتقا سەنۋگە شاقىرامىز"، – دەلىنگەن ق ر سانيتارلىق-ەپيدەميولوگيالىق باقىلاۋ كوميتەتى باسپا ءسوز قىزمەتىنىڭ حابارلاماسىندا.
