Áleýmettik jelide 15 qyrkúiekten bastap oqýshylar qashyqtan oqytýǵa jiberiletini týraly aqparat shyndyqqa janaspaidy, dep habarlaidy Dalanews.kz stopfake.kz-ke silteme jasap.
Jalǵan aqparatta 15 qyrkúiekten bastap elimizde maska taǵý rejimi engizilip, oqýshylar qashyqtan oqýǵa jiberiletini týraly aitylǵan.
QR Sanitarlyq-epidemiologiialyq baqylaý komiteti bul aqparatqa qatysty pikir bildirdi.
"Messendjerlerde 15 qyrkúiekten bastap balalardy qashyqtan oqytýǵa jiberedi jáne mekemelerde maskamen júrý rejimi engiziledi degen aqparat tarady. Bul - jalǵan. Jyl saiyn epidemiialyq maýsym kezeńinde profilaktikalyq jáne epidemiiaǵa qarsy is-sharalardy ótkizýdi kózdeitin QR Bas memlekettik sanitariialyq dárigeriniń qaýlysy bekitiledi. Qaýlyǵa sáikes, biylǵy jyldyń 15 qyrkúieginen bastap tumaýǵa qarsy vaktsinatsiia júrgizý bastalady. Maska taǵý rejimi tek meditsinalyq uiymdardyń qyzmetkerleri úshin ǵana engiziledi", - delingen habarlamada.
Qaýlymen tolyǵyraq QR DSM Sanitariialyq-epidemiologiialyq baqylaý komitetiniń saitynda myna silteme boiynsha tanysýǵa bolady.
"Barlyq azamattardy resmi aqparat kózderindegi senimdi aqparatqa senýge shaqyramyz", – delingen QR Sanitarlyq-epidemiologiialyq baqylaý komiteti baspasóz qyzmetiniń habarlamasynda.
