تۇركىستان وبلىسىندا جەرگىلىكتى ماڭىزى بار اۆتوموبيل جولدارى مەن ەلدىمەكەن كوشەلەرىنىڭ جالپى ۇزىندىعى – 16 746،9 شاقىرىم. 2019 جىلى اۆتوموبيل جولدارى سالاسىن دامىتۋدا 1 705،1 شاقىرىم جول مەن 11 كوپىرگە قۇرىلىس جوندەۋ جۇمىستارى ءجۇرىپ،  جىل سوڭىنا دەيىن 585 نىسان، ياعني 1 391،8 شاقىرىم جول پايدالانۋعا بەرىلمەك.

وبلىس ورتالىعى – تۇركىستان قالاسى بويىنشا كوشەلەردىڭ جالپى ۇزىندىعى – 845 شاقىرىم. اعىمداعى جىلى تۇركىستان قالاسىنىڭ كوشەلەرىندە جوندەۋ جۇمىستارىن جۇرگىزۋگە وبلىستىق بيۋدجەتتەن – 6،5 ملرد. تەڭگە قارالعان. قازىرگى تاڭدا 12،6 شاقىرىم قۇرايتىن 3 كوشەگە كۇردەلى جوندەۋ جۇمىستارى جۇرگىزىلۋدە. ونىڭ 2ء-ى اعىمداعى جىلى پايدالانۋعا بەرىلەدى دەپ كۇتىلۋدە. سونىمەن قاتار، قالادا 70 شاقىرىمدى قۇرايتىن 63 كوشەگە ورتاشا جوندەۋ جۇمىستارى جۇرگىزىلىپ، اعىمداعى جىلى پايدالانۋعا بەرىلەتىن بولادى. بۇدان وزگە، 96،23 شاقىرىمدىق 83 كوشەگە تاس توسەۋ جۇمىستارى جۇرۋدە.

 

تۇركىستان وبلىسى وڭىرلىك كوممۋنيكاسيالار قىزمەتى