12 ناۋرىزدان باستاپ قازاقستاندا ەكٸمشٸلٸك قۇقىق بۇزۋشىلىق تۋرالى كودەكسكە ەنگٸزٸلگەن ٶزگەرٸستەر كٷشٸنە ەنەدٸ. تٷزەتۋلەر جول قوزعالىسى ەرەجەلەرٸن اۆتوماتتى تٷردە باقىلاۋ اياسىن كەڭەيتۋدٸ كٶزدەيدٸ, دەپ حابارلايدى Dalanews.kz.
بۇل رەتتە جاڭا شەكتەۋلەر ەنگٸزٸلمەيدٸ. كامەرالار تەك قولدانىستاعى تالاپتاردى تٸركەۋدٸ كٷشەيتەدٸ.
جاڭاشىلدىققا سەيكەس, بەينەباقىلاۋ جٷيەلەرٸ ەندٸ جٷرگٸزۋشٸنٸڭ رٶلدە وتىرىپ تەلەفون قولدانعانىن جەنە قاۋٸپسٸزدٸك بەلدٸگٸن تاقپاعانىن انىقتاي الادى. سونىمەن قاتار جٷيە مەملەكەتتٸك دەرەكقورلارمەن بايلانىسۋ ارقىلى كٶلٸكتە مٸندەتتٸ ساقتاندىرۋدىڭ بار-جوعىن جەنە تەحنيكالىق بايقاۋدىڭ مەرزٸمٸن دە تەكسەرمەك.
بۇدان بٶلەك, كەيبٸر ەكٸمشٸلٸك باپتار بويىنشا (مەسەلەن, جولدا كەپتەلٸس تۋدىرۋ نەمەسە جارىق شامدارىن تالاپقا ساي قوسپاۋ) جٷيە ينسپەكتوردىڭ قاتىسۋىنسىز اۆتوماتتى تٷردە ەسكەرتۋ شىعارۋعا مٷمكٸندٸك الادى.
ال جاياۋ جٷرگٸنشٸلەرگە كامەرا ارقىلى ايىپپۇل سالىنادى دەگەن اقپارات شىندىققا سەيكەس كەلمەيدٸ. ٸشكٸ ٸستەر مينيسترلٸگٸ مۇنداي مەلٸمەتتەردٸڭ جالعان ەكەنٸن رەسمي تٷردە مەلٸمدەدٸ.
