«2019 جىلدىڭ 2 ءساۋىر كۇنى ساعات 19:40 شاماسىندا تۇركىستان وبلىسى، جەتىساي اۋدانى، جەتىساي قالاسى ا.قالىبەكوۆ كوشەسىندە ويناپ جۇرگەن بالالار №57 تۇرعىن ءۇيدىڭ سىرتىندا ورنالاسقان جەكە ءۇيدىڭ كارىز جۇيەسىنىڭ شۇڭقىرىنان كىشكەنتاي ءبۇلدىرشىننىڭ قۇلاپ تۇسكەنىن بايقاپ قالعان. ارتىنشا جۇگىرىپ كەلگەن بالالارعا قۇدىقتىڭ ىشىندەگى 1 مەتردەن اسا لاس سۋدان كىشكەنتاي ءبۇلدىرشىن كورىنبەگەن. وسى مەزەتتە 2008 جىلى تۋعان 5-سىنىپ وقۋشىسى بەكنازار مەيرامبەك ەش ويلانباستان، دەرەۋ قۇدىقتىڭ ىشىنە تۇسەدى. لاس سۋ مويىن تۇسىنا كەلگەنىنە قاراماستان، سۋعا تۇنشىعىپ جاتقان 2017 جىلى تۋعان 2 جاسار باقىتبەك سابىرجاندى كوتەرىپ الىپ، شۇڭقىردان شىعارعان»، – دەدى دەپارتامەنت باستىعى.
جاس ءبۇلدىرشىن س.باقىتبەك اۋرۋحاناعا جەتكىزىلىپ، قازىرگى تاڭدا ونىڭ دەنساۋلىعى ءبىرقالىپتى، ەم قابىلداۋدا. وسىلايشا 11 جاسار بەكنازار مەيرامبەك ءوزىنىڭ باتىلدىعىن، قايسارلىعىن كورسەتىپ، جاس ءبۇلدىرشىننىڭ ءومىرىن ساقتاپ، ءوز ىسىمەن ەرلىك كورسەتتى.
قۇتقارۋشى بەكنازار مۇسا ۇلى جەتىساي قالاسىنداعى №2 شوقان ءۋاليحانوۆ مەكتەبىنىڭ 5 «ا» سىنىپ وقۋشىسى. جاس باتىر باسپا ءسوز ءماسليحاتىندا توتەنشە جاعدايلار دەپارتامەنتىنىڭ ارنايى گراموتاماسىمەن جانە سىيلىقپەن ماراپاتتالدى.
تۇركىستان وبلىسى اكىمىنىڭ باسپا ءسوز قىزمەتى
