اقتٶبە وبلىسىندا “100 باس جىلقى ۇرلادى” دەگەن ايىپپەن سوتتالىپ, كەيٸن اپەللياتسييالىق سوتتىڭ شەشٸمٸمەن بوستاندىققا شىققان 60 جاستاعى راحات سەرسەنوۆكە سابىرجان ەسٸمدٸ اسابا 10 جىلقى سىيلادى, دەپ حابارلايدى dalanews.kz.
ەلەۋمەتتٸك جەلٸدە تاراعان ۆيدەودا اسابانىڭ قاريياعا قۇرمەت رەتٸندە جىلقى سىيلاعانى تۋرالى ۆيدەو تارادى.
ايتا كەتەيٸك, بۇعان دەيٸن اقتٶبە وبلىستىق سوتى ٸستٸ قايتا قاراپ, راحات سەرسەنوۆتٸڭ 100 ەمەس, بٸر عانا جىلقىنىڭ قۇنى كٶلەمٸندە ماتەريالدىق شىعىن كەلتٸرگەنٸن انىقتادى. وسىعان بايلانىستى ايىپتاۋ بابى ٶزگەرتٸلٸپ, ينسۋلت العان قاريياعا راقىمشىلىق تۋرالى زاڭ قولدانىلدى. نەتيجەسٸندە ول سوت زالىنان بوستاندىققا شىعارىلدى.
وسىدان كەيٸن راحات سەرسەنوۆتٸڭ تاعدىرى قوعامدا كەڭٸنەن تالقىلانىپ, وعان قولداۋ بٸلدٸرگەن ازاماتتار كٶبەيە باستادى.
