Aqtóbe oblysynda “100 bas jylqy urlady” degen aiyppen sottalyp, keiin apelliatsiialyq sottyń sheshimimen bostandyqqa shyqqan 60 jastaǵy Rahat Sársenovke Sabyrjan esimdi asaba 10 jylqy syilady, dep habarlaidy dalanews.kz.
Áleýmettik jelide taraǵan videoda asabanyń qariiaǵa qurmet retinde jylqy syilaǵany týraly video tarady.
Aita keteiik, buǵan deiin Aqtóbe oblystyq soty isti qaita qarap, Rahat Sársenovtiń 100 emes, bir ǵana jylqynyń quny kóleminde materialdyq shyǵyn keltirgenin anyqtady. Osyǵan bailanysty aiyptaý baby ózgertilip, insýlt alǵan qariiaǵa raqymshylyq týraly zań qoldanyldy. Nátijesinde ol sot zalynan bostandyqqa shyǵaryldy.
Osydan keiin Rahat Sársenovtiń taǵdyry qoǵamda keńinen talqylanyp, oǵan qoldaý bildirgen azamattar kóbeie bastady.
