م.اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ 90 جىلدىعى، قازاق ساحنا ونەرىنىڭ كوزى ءتىرى اڭىزى حابيبا ەلەبەكوۆانىڭ 100 جىلدىعى جانە بيىلعى «تەاتر كوكتەمى – 2016» فەستيۆالى تۇسپا-تۇس كەلىپ، حالىقارالىق تەاتر كۇنىندە ءوز مارەسىنە جەتتى. بۇل – قازاقستاننىڭ رۋحاني كەڭىستىگىندەگى تاريحي وقيعا. «تەاتر كوكتەمى» فەستيۆالى قازاقستاننىڭ ەڭبەك سىڭىرگەن ءارتيسى حابيبا ەلەبەكوۆانىڭ اتىمەن اتالىپ، شىعارماشىلىق ۇجىمنىڭ الەۋەتىن ايقىنداۋ ءۇشىن قازىلار مەن تاۋەلسىز سىنشىلار قۇرامىنان تۇراتىن القا تاعايىندالدى.

حالىقارالىق دارەجەدەگى نەمەسە مينيسترلىك تاراپىنان وتكىزىلگەن تەاتر فەستيۆالى ەمەس. بۇل ءبىر ماۋسىمدا جاسالعان شىعارماشىلىق جۇمىسقا ەسەپ بەرۋ، اكتەرلەردىڭ كاسىبي دەڭگەيىن باعالاۋدى ماقسات ەتكەن ۇجىمدىق فەستيۆال بولعاندىقتان، قازىلار مەن سىنشىلار شاقىرتىلىپ، ولاردىڭ تەاتر تانۋداعى سىنشىل كوزقاراسىنا جۇگىنەدى. فەستيۆالگە قاتىسقان قويىلىمداردى اتاپ وتسەك: 1. «قازا مەن جازا» سپەكتاكلى. اۆتورى يگور ۆوۆنيانكو، اۋدارعان ومار قىيقىموۆ، قويۋشى-رەجيسسەرى – ءاسانالى ءاشىموۆ؛ 2. «اي مەن ايشا» سپەكتاكلى. اۆتورى شەرحان مۇرتازا، ساحنالىق نۇسقاسىن جازعان ەركىن جۋاسبەك. قويۋشى-رەجيسسەرى – تۇڭعىشباي ءال-تارازي؛ 3. «قوشتاسقىم كەلمەيدى» سپەكتاكلى. اۆتورى الەكساندر ۆولودين، اۋدارعان جانە قويۋشى-رەجيسسەرى – اسحات ماەميروۆ؛  4. «الماس قىلىش». اۆتورى ءىلياس ەسەنبەرلين، ساحنالىق نۇسقاسىن جازعان ءانناس باعدات، قويۋشى-رەجيسسەرى – الما كاكىشيەۆا؛



سونىمەن قاتار، تەاتر رەجيسسەرلەرى مەن ارتيستەرىنىڭ وزىندىك جۇمىستارى قاتىستى. اتاپ وتەر بولساق، «مەدەيا» سپەكتاكلى. اۆتورى: ەۆريپيد. قويۋشى-رەجيسسەر – الەنا كابدەشوۆا جانە  «لير پاتشا» سپەكتاكلى. ۋ.شەكسپيردىڭ «لير پاتشا» تراگەدياسىنىڭ نەگىزىندە. قويۋشى رەجيسسەر – ەلىك نۇرسۇلتان.



بيىلعى«تەاتر كوكتەمى» فەستيۆالىنە ۇسىنىلعان ءتورت سپەكتاكل مەن ەكى وزىندىك جۇمىستى ساراپتايتىن قازىلار القاسىنىڭ دەڭگەيى بيىك بولدى. ولار سپەكتاكلدەردى اكتەرلىك شەبەرلىك دەڭگەيى، ساحنالىق سويلەۋ، ۆوكال، رەجيسسەر شەشىمىنىڭ تەرەڭدىگى، تاعى باسقا تالاپتار بويىنشا باعالادى. قازىلار القاسىنىڭ ءتوراعاسى، پروفەسسور ەسمۇحان وبايەۆ باستاعان ونەرتانۋ عىلىمدارىنىڭ كانديداتى، دوسەنت، م.اۋەزوۆ اتىنداعى ادەبيەت ينستيتۋتىنىڭ اعا عىلىمي قىزمەتكەرى انار ەركەباي، جازۋشى-دراماتۋرگ، مەملەكەتتىك «دارىن»، تاۋەلسىز «پلاتينالى تارلان» سىيلىقتارىنىڭ لاۋرەاتى، ق ر پرەزيدەنتى كەڭسەسىنىڭ قىزمەتكەرى ديدار امانتاي، قازاقستاننىڭ ەڭبەك سىڭىرگەن قايراتكەرى، «قۇرمەت» وردەنىنىڭ يەگەرى، تاۋەلسىز «يلحوم» سىيلىعىنىڭ لاۋرەاتى، مەملەكەتتىك ق.قوجامياروۆ اتىنداعى ۇيعىر مۋزىكالىق كومەديا تەاترىنىڭ باس رەجيسسەرى – يالكۋنجان شامييەۆ،

قازاقستاننىڭ ەڭبەك سىڭىرگەن قايراتكەرى، قازاقستان حالقى اسسامبلەياسى ءتوراعاسىنىڭ ورىنباسارى، مەملەكەتتىك رەسپۋبليكالىق كورەي مۋزىكالىق كومەديا تەاترىنىڭ ديرەكتورى ليۋبوۆ ني جانە قازاقستاننىڭ ەڭبەك سىڭىرگەن قايراتكەرى، تەاتر جانە كينو رەجيسسەرى، ماڭعىستاۋ وبلىستىق نۇرمۇحان ءجانتورين اتىنداعى مۋزىكالىق دراما تەاترىنىڭ كوركەمدىك جەتەكشىسى – گۋلسينا ميرگالييەۆا. قازىلارمەن بىرگە تاۋەلسىز سىنشىلار توبى دا سپەكتاكلدەردى سارالاۋ جۇمىسىنا قاتىستى. ولار:  قازاقستاننىڭ ەڭبەك سىڭىرگەن قايراتكەرى، حالىقارالىق «الاش» سىيلىعىنىڭ لاۋرەاتى، سىنشى–بوپەجانوۆا ءاليا قاھارمان قىزى، ت.جۇرگەنوۆ اتىنداعى ۇلتتىق ونەر اكادەمياسى، «ونەرتانۋ» فاكۋلتەتىنىڭ دەكانى، ونەرتانۋ دوكتورى، پروفەسسور – باقىت كاكي قىزى نۇرپەيىس، قازاقستان جۋرناليستەر وداعى «جىل رەپورتەرى» سىيلىعىنىڭ لاۋرەاتى، قازاقستان جۋرناليستيكا اكادەمياسىنىڭ جالپى ۇلتتىق «التىن جۇلدىز» سىيلىعىنىڭ لاۋرەاتى، جۋرناليست ايناش ەسالى.



24-27 ناۋرىز ارالىعىندا وتكەن ساحنا بايگەسىن تاپجىلماي وتىرىپ تاماشالاپ، ءادىل شەشىمىن شىعاردى. فەستيۆال اياقتالعان كۇنى قازىلار القاسىنىڭ ءتوراعاسى ەسمۇحان وبايەۆ ءۇش كۇندىك فەستيۆالدى جان-جاقتى قورىتىپ، ءتۇيىندى ويىن ءبىلدىردى. ونىڭ ايتۋىنشا، «مەرەكەلىك سيپاتى بار فەستيۆال بولعاندىقتان قازىلار مۇشەسى دە شىعارماشىلىق قۇرامنىڭ جۇمىسىن كاسىبي، ادامگەرشىلىك تۇرعىسىنان باعالاۋدى ءجون ساناعان».فەستيۆال ناتيجەسى تومەندەگىدەي:

«تەاتر كوكتەمى –2016» فەستيۆالىنىڭ جۇلدەگەرلەرى:

1. 
   
   
   
   1. شىعارماشىلىق وزىندىك جۇمىستارى ءۇشىن «وزىندىك جۇمىستاعى ىزدەنىستەرى» جۇلدەسى «لير پاتشا» قويىلىمىنا؛
   
   
   2. «ۇزدىك دەبيۋت تۇساۋكەسەر» جۇلدەسى «الماس قىلىش» قويىلىمىنداعى بۇرىندىق ءرولى ءۇشىن قۋانىش بەيساعالييەۆكە؛
   
   
   3. «ۇزدىك دەبيۋت تۇساۋكەسەر» جۇلدەسى «الماس قىلىش» قويىلىمىنداعى مۇحامەد-شايبانيءرولى ءۇشىن ءداۋىر اناربايعا – ديپلوم «ۇزدىك ساحنالىق انسامبل» جۇلدەسى «قوشتاسقىم كەلمەيدى» قويىلىمىنداعى شۋميلوۆ ءرولى ءۇشىن عالىمبەك وسپانوۆقا؛
   
   
   4. «ۇزدىك ساحنالىق انسامبل» جۇلدەسى «قوشتاسقىم كەلمەيدى» قويىلىمىنداعى شۋميلوۆاءرولى ءۇشىن جانارگۇل جانىامانوۆاعا؛
   
   
   
   
   
   
   5. «ۇزدىك ساحنالىق انسامبل» جۇلدەسى «قوشتاسقىم كەلمەيدى» قويىلىمىنداعى سۋديا ءرولى ءۇشىن اجارلىم باقىتجانوۆاعا؛
   
   
   6. «ساحنالىق عۇمىر» جۇلدەسى «اي مەن ايشا» قويىلىمىنداعى ماماي ءرولى ءۇشىن ايدوس بەكتەمىرگە؛
   
   
   
   
   
   
   7. «ساحنالىق عۇمىر» جۇلدەسى «الماس قىلىش» قويىلىمىنداعى ءابىلقايىردىڭ ءۋازىرى ءرولى ءۇشىن باۋىرجان قاپتاعايعا؛
   
   
   8. «ساحنالىق عۇمىر» جۇلدەسى «الماس قىلىش» قويىلىمىنداعى وسپان-قوجا ءرولى ءۇشىن سايات مەرەكەۇلىنا؛
   
   
   
   
   
   
   9. «ەستە قالار كەيىپكەر» جۇلدەسى «قوشتاسقىم كەلمەيدى» قويىلىمىنداعى ميرونوۆ ءرولى ءۇشىن بەكجان تۇرىسقا؛
   
   
   10. «ساحنالىق شىنايىلىق» جۇلدەسى «قوشتاسقىم كەلمەيدى» قويىلىمىنداعى بەيتانىس ايەل ءرولى ءۇشىن عازيزا ابدينابييەۆاعا؛
   
   
   11. «ۇزدىك ەپيزودتاعى ەر ادام بەينەسى» جۇلدەسى «الماس قىلىش» قويىلىمىنداعى قاپتاعاي ءرولى ءۇشىن الماس شايامەتوۆكە؛
   
   
   12. «ۇزدىك ەپيزودتاعى ەر ادام بەينەسى» جۇلدەسى «الماس قىلىش» قويىلىمىنداعى وراق ءرولى ءۇشىن اقبەرگەن جۇمابايەۆقا؛
   
   
   13. «ۇزدىك ەپيزودتاعى ەر ادام بەينەسى» جۇلدەسى «الماس قىلىش» قويىلىمىنداعى قۇبا بي ءرولى ءۇشىن جاسۇلان بايسالبەكوۆكە؛
   
   
   14. «ۇزدىك ەپيزودتاعى ايەل ادام بەينەسى» جۇلدەسى «قوشتاسقىم كەلمەيدى»قويىلىمىنداعى لاريسانىڭ اناسى ءرولى ءۇشىن ناز جەكەنوۆاعا؛
   
   
   15. «ۇزدىك ەپيزودتاعى ايەل ادام بەينەسى» جۇلدەسى «قوشتاسقىم كەلمەيدى»قويىلىمىنداعى ميرونوۆا ءرولى ءۇشىن گۇلشات تۇتوۆاعا؛
   
   
   16. «اكتەرلىق ىزدەنىستەرى» جۇلدەسى «قوشتاسقىم كەلمەيدى» قويىلىمىنداعى سۋديا ءرولى ءۇشىن ازات سەيتمەتوۆكە؛
   
   
   17. «ۇزدىك تاريحي بەينە» جۇلدەسى «الماس قىلىش» قويىلىمىنداعى كەرەي ءرولى ءۇشىن عاني قۇلجانوۆقا؛
   
   
   
   
   
   
   18. «ۇزدىك تاريحي بەينە» جۇلدەسى «الماس قىلىش» قويىلىمىنداعى جانىبەك ءرولى ءۇشىن ەركەبۇلان دايىروۆقا؛
   
   
   
   
   
   
   19. «ح.ەلەبەكوۆا اتىنداعى ارنايى جۇلدەسى» «قوشتاسقىم كەلمەيدى» قويىلىمىنداعى كاتيا لاۆروۆا ءرولى ءۇشىن زارينا كارمەنوۆاعا؛
   
   
   20. «ۇزدىك رەجيسسۋرا» جۇلدەسى «قوشتاسقىم كەلمەيدى» قويىلىمىنىڭ رەجيسسەرى اسحات ماەميروۆكە؛
   
   
   
   
   
   
   21. «ەكىنشى پلانداعى ايەل ادام بەينەسى» جۇلدەسى «قوشتاسقىم كەلمەيدى» قويىلىمىنداعى نيكۋلينا ءرولى ءۇشىن كۇنسۇلۋ شاياحمەتوۆاعا؛
   
   
   22. «ەكىنشى پلانداعى ايەل ادام بەينەسى» جۇلدەسى «قوشتاسقىم كەلمەيدى» قويىلىمىنداعى كوزلوۆا ءرولى ءۇشىن شىنار جانىسبەكوۆاعا؛
   
   
   23. «ەكىنشى پلانداعى ەر ادام بەينەسى» جۇلدەسى «اي مەن ايشا» قويىلىمىنداعى مۇرتازا ءرولى ءۇشىن جالعاس تولعانبايعا؛
   
   
   24. «ەكىنشى پلانداعى ەر ادام بەينەسى» جۇلدەسى «اي مەن ايشا» قويىلىمىنداعى تاسبەت ءرولى ءۇشىن جانداربەك سادىربايەۆقا؛
   
   
   25. «ۇزدىك ايەل ادام بەينەسى» جۇلدەسى «اي مەن ايشا» قويىلىمىنداعى ايشا ءرولى ءۇشىن ءداريا جۇسىپكە؛
   
   
   26. «ۇزدىك ەر ادام بەينەسى» جۇلدەسى «قوشتاسقىم كەلمەيدى» قويىلىمىنداعى ميتيا لاۆروۆ ءرولى ءۇشىن ازامات ساتىبالدىعا؛
   
   
   27. «ەڭ ۇزدىك قويىلىم» جۇلدەسى ي.ۆوۆنيانكانىڭ «قازا مەن جازا» قويىلىمىنىڭ اكتەرلەرىنە تابىستالدى.
   
   
   
   

تەاترىمىز بەن بۇقارالىق اقپارات قۇرالدارىنىڭ ۇيلەسىمدى سەرىكتەستىگى ەجەلدەن قالىپتاسقان. سوندىقتان دا جىل سايىن وسى فەستيۆالدا  جۋرناليستەر قاۋىمىنا ارنايى جۇلدەلەر تاپسىرىلادى.

  «تەاتر جانە اقپارات» جۇلدەسى  اتالىمدارى بويىنشا جەڭىمپازدار:

1. بالنۇر احمەت – «الماتى اقشامى» قوعامدىق-ساياسي گازەتىنىڭ ءتىلشىسى؛


2. اقبوتا يسلامبەك –  «انا ءتىلى» گازەتىنىڭ ءتىلشىسى؛


3. ءلازيزا كەرىمقۇلوۆا – «مادەنيەت جانە ءبىلىم» ارناسىنىڭ سەناريسى، «ءومىر. تەاتر. كينو» باعدارلاماسىنىڭ جۇرگىزۋشىسى؛


4. داۋرەن داريابەك – «قازاقستان» ۇلتتىق ارناسىنىڭ ءتىلشىسى؛


5. قورعانبەك امانجول – «تەاتر.kz» جۋرنالىنىڭ ءتىلشىسى؛


6. جانار ورازىمبەت – قازاق راديوسىنىڭ ءجۋرناليسى؛

ەڭبەكتەرى لايىقتى باعالانىپ، قورجىندارى جۇلدەگە تولعان ارىپتەستىرىمىزدى شىن جۇرەكتەن تاعى ءبىر مارتە قۇتتىقتايمىز.

ايگۇل احانباي قىزى

سۋرەتتى تۇسىرگەن – ارداق تولەۋباي