ون جىل بويى سابىلعان حالىق، كۇنى كەشە ايتەي اۋىلىنىڭ ماڭىندا جينالىپ، ب ا ق وكىلدەرىنە جەر داۋىنىڭ شەشىلمەس ءتۇيىنىن تۇسىندىرۋگە كەلىپتى. ولاردىڭ ايتۋىنشا، قاراساي اۋداندىق سوتىنىڭ 02.03.2013 جىلعى جەر تەلىمىن بەيبىت جولمەن جەكەمەنشىككە ءوتۋى جايلى، 2013 جىلى 4 قاڭتاردا شىققان جەردىڭ نەگىزگى ماقساتىن وزگەرتۋ جايلى، 29.07.2013 جىلعى العاشقى قاۋلىنى ورىنداۋ جايلى شەشىمىن سوت ورىنداۋشىلارى ىسكە اسىرۋعا قۇلىقسىز بولىپ وتىر ەكەن. ول از بولعانداي، قاراساي اۋداندىق اعا سوت ورىنداۋشى تانحييەۆ د. م جانە سوت ورىنداۋشىسى سمايل ن.م بارلىق جەر تەلىمىن 29.04.2013 جىلعى شەشىمگە سۇيەنىپ، ەرمەنبايەۆ جولداسبەك اتتى ازاماتقا بەرىپتى. ونىڭ اتىنا بارلىق جەر تەلىمدەرى ءۇشىن مەملەكەتتىك اكت جازىلىپتى تاعى دا. «التىن ۇيا» ج ش س، يسمايلوۆ ج.ب اتىنان ەرمەنبايەۆقا جەر تەلىمى بەرۋ جايلى رۇقساتىن بەرمەگەنىن دە حالىق ءبىر اۋىزدان قۇپتادى. ورتا جولدان قوسىلعان ەرمەنبايەۆتى حالىق ءوز مۇددەسى ءۇشىن كيلىككەن دەلدال دەپ سانايدى. سونشا جىل سوت ۇكىمىن ورىنداۋعا قۇلىقسىز بولىپ كەلگەن سوت ورىنداۋشىلارى ءوز شەشىمدەرىن ساناۋلى ۋاقىتتا ىسكە اسىرادى. ون جىلدىڭ ىشىندە سوت پەن سوت ورىنداۋشىلاردىڭ تابالدىرىعىن توزدىرعان جۇرت، بيلىك وكىلدەرىنەن وسى داۋدىڭ شەشىمىن تابۋعا جانە وزدەرى ساتىپ العان جەر تەلىمدەرىن قايتارىپ بەرۋگە ءوتىنىش ايتتى.
وسىعان دەيىن ەكى مارتە الماتى وبلىسى اپەللياسيالىق سوت كوللەگياسى جەردى حالىققا قايتارىپ بەرۋ جايلى شەشىم شىعارعان. ءبىراق الماتى وبلىستىق سوتى ەكى مارتە اپەللياسيانى قايتارىپ جىبەرىپ، جەردىڭ يەسى ەرمەنبايەۆ دەپ تانىعان ەكەن. جەر تەلىمدەرىن ساتىپ الۋى ءۇشىن قارت انالار، جاس جانۇيالار نەسيە الۋعا دەيىن بارعان. باتىر انا نۇريقان بالاقانوۆا بالالارى ءۇشىن دەپ 52 مىڭ اقش دوللارىن ءوز قولىمەن ساناپ بەرگەن. وسى جەر تەلىمدەرى ءۇشىن ناسيەلەرىن كۇن ساناپ تولەپ، قالادا پاتەر جالداپ ساندالعاندارى قانشاما. ايتەيدەگى بۇل جەردى شارۋاشىلىق ماقساتقا قولدانىپ، مال ءوسىرۋ ءۇشىن پايدالانۋ كەرەك دەپ تە ايتىپتى. اۋىل ورتاسىندا وسىنداي شارۋاشىلىقتىڭ ورناۋى اقىلعا سيىمسىز ەمەس پە؟
[caption id="attachment_14145" align="alignleft" width="318"]
اۋدان اكىمىنىڭ ورىنباسارى جەردەن ءۇمىت ۇزىڭدەر دەپ وتىر[/caption]
اشىنعان جۇرتتىڭ ەندىگى سوڭعى مۇمكىندىگى جوعارعى سوت بولىپ وتىر. سوڭعى ينستانسيا رەتىندە جوعارعى سوتقا ارىزدارى جازىلىپ تا قويىپتى. وسى جولى دا جينالعان قاۋىم قاراساي اۋداندىق اكىمدىگىنىڭ الدىنا بارىپ، ءىستىڭ ءتۇيىنىن شەشىپ بەرۋىن ءوتىندى. اكىمنىڭ ورىنباسارى ماقسۇت جاپاروۆ حالىق الدىنا شىعىپ، بۇل جەرلەردىڭ تۇرعىن ءۇي ماقساتىنا ەندىگى مۇلدەم اۋىسپايتىنىن ايتتى. سەبەبى بۇل اۋماقتان گاز قۇبىرى ماگيسترالى وتەتىنىن جانە ەندىگى بۇل جەر تەلىمدەرىن تەك شارۋاشىلىق ماقساتتا عانا قولدانۋعا بولاتىنىن ءتۇسىندىردى. ماقسۇت جاپاروۆتىڭ ايتقانىنا سەنەتىن بولساق، وسى جەر ماسەلەسى بويىنشا وسىعان دەيىن توعىز ادام باس بوستاندىعىنان ايىرىلعان ەكەن. حالىقتىڭ وڭباي الدانعانىن دا ايتتى. شارشارعان حالىق وسى جەرلەردى ەڭ بولماعاندا شارۋاشىلىققا قولدانۋى ءۇشىن زاڭداستىرىپ بەرۋىن وتىنگەندە، جەر تەلىمدەرىنە ءالى دە مەملەكەتتىك اكت بەرىلمەگەنىن بىلمەيتىنىن جانە بۇل ءىستى قايتا قاراۋ كەرەكتىگىنە جۇگىندى. وسىدان ءبىر جىل بۇرىن اۋدان اكىمى تۇرعىن ءۇي تۇرعىزۋ ءۇشىن سۋ، گاز ءارى جول سالۋ كەرەكتىگىن العا تارتىپ، تاعى وسى ءىستى تەرەڭ قاراۋ كەرەكتىگىن ايتقان بولاتىن. ال وسى جىلى بۇل جەر تەلىمدەرى ارقىلى گاز قۇبىرى ماگيسترالى وتەتىنى جانە ەندىگى تۇرعىن ءۇي تۇرعىزۋدىڭ مۇلدە مۇمكىن ەمەستىگىن كەسىپ ايتى.
سالى سۋعا كەتكەن حالىق جەر تەلىمدەرىن ەڭ بولماعاندا شارۋاشىلىق ماقساتقا قولدانا الۋى ءۇشىن قۇجاتتاندىرۋىن قالايدى. ولاردىڭ سوڭعى ينستانسيا رەتىندە جوعارعى سوتقا بەرگەن ارىزدارى قارالىپ، سوت شەشىمىنىڭ قالاي ءوربيتىنىن اڭدۋ عانا قولىنان كەلەدى ەندى. ءوز قامى ءۇشىن ورتاعا كيلىككەن دەلدار مەن كوڭىلى اشىق، اڭقاۋ حالىقتى وڭدىرماي جەرگە وتىرعىزىپ كەتكەن الاياقتاردىڭ كەسىرى – ون جىلدىق داۋعا ۇلاستى. از ەمەس، باقانداي 600 وتباسىنىڭ جەر داۋى قاراۋسىز جاتۋى ۇياتتى جاعداي. ەندى ولار تەك جوعارى سوتتان ءۇمىت كۇتىپ وتىر.
ابزال سۇلەيمەن.
