اتامەكەنىنە ورالعان قانداستارىمىزدىڭ باسىم بولىگى – 47،9 پايىزى وزبەكستاننان، 40،4 پايىزى – قىتايدان، 3،8 پايىزى – موڭعوليادان، 2،9 پايىزى – تۇركمەنستاننان، 1،3 پايىزى – رەسەيدەن جانە 3،7 پايىزى – باسقا ەلدەردەن كوشىپ كەلگەن.
قانداستاردىڭ ەڭ كوپ بولىگى الماتى وبلىسىنا (32 پايىز) ورنالاسىپتى.
ال تۇركىستان وبلىسىنا بيىل اتاجۇرتىنا ورالعان ورالمانداردىڭ 18،1 پايىزى، ماڭعىستاۋ وبلىسىنا 10،9 پايىزى، استانا قالاسىن 9،4 پايىزى قونىستانعان.
جاس مولشەرى مەن ەڭبەككە قابىلەتتىلىگى بويىنشا ايتساق، 2018 جىلى تاريحي وتانىنا ورالعان قانداستارادىڭ 63،9 پايىزى جۇمىسقا جارامدى. 18 جاسقا دەيىنگى بالالار – 26،9 پايىز، ال زەينەتكەرلەر نەبارى 9،2 پايىز.
ءبىلىم دەڭگەيى بويىنشا ەڭبەككە قابىلەتتى جاستاعى ورالماندار قاتارىنان 15 پايىزى جوعارعى، 26 پايىزىنىڭ ارنايى ورتا، 53 پايىزىنىڭ جالپى ورتا جانە 6 پايىزىنىڭ ءبىلىمى جوق.
ال ستاتيستيكا كوميتەتىنىڭ دەرەگىنشە بىلتىر قازاقستاننان 37 725 ادام كوشكەن.
ونىڭ 32 874 –ءى رەسەيدەن قونىس تاپقان. ءتولقۇجات اۋىستىرعاننىڭ 72،3 پايىزى ورىس ەكەن.
بۇدان بۇرىن سايتىمىزدا رەسەيدەگى ايماقتى ماسەلەلەردى زەرتتەيتىن ينستيتۋت ديرەكتورى دميتريي جۋراۆليەۆتىڭ سۇحباتى جاريالانعان. ونىڭ ايتۋىنشا،
قازاقستانداعى ورىستى ەلگە شاقىرعان ءپۋتيننىڭ ءوزى.
