Atamekenine oralǵan qandastarymyzdyń basym bóligi – 47,9 paiyzy Ózbekstannan, 40,4 paiyzy – Qytaidan, 3,8 paiyzy – Mońǵoliiadan, 2,9 paiyzy – Túrkmenstannan, 1,3 paiyzy – Reseiden jáne 3,7 paiyzy – basqa elderden kóship kelgen.
Qandastardyń eń kóp bóligi Almaty oblysyna (32 paiyz) ornalasypty.
Al Túrkistan oblysyna biyl atajurtyna oralǵan oralmandardyń 18,1 paiyzy, Mańǵystaý oblysyna 10,9 paiyzy, Astana qalasyn 9,4 paiyzy qonystanǵan.
Jas mólsheri men eńbekke qabilettiligi boiynsha aitsaq, 2018 jyly tarihi otanyna oralǵan qandastaradyń 63,9 paiyzy jumysqa jaramdy. 18 jasqa deiingi balalar – 26,9 paiyz, al zeinetkerler nebári 9,2 paiyz.
Bilim deńgeii boiynsha eńbekke qabiletti jastaǵy oralmandar qatarynan 15 paiyzy joǵarǵy, 26 paiyzynyń arnaiy orta, 53 paiyzynyń jalpy orta jáne 6 paiyzynyń bilimi joq.
Al Statistika komitetiniń dereginshe byltyr Qazaqstannan 37 725 adam kóshken.
Onyń 32 874 –i Reseiden qonys tapqan. Tólqujat aýystyrǵannyń 72,3 paiyzy orys eken.
Budan buryn saitymyzda Reseidegi Aimaqty máselelerdi zertteitin institýt direktory Dmitrii Jýravlevtiń suhbaty jariialanǵan. Onyń aitýynsha,
Qazaqstandaǵy orysty elge shaqyrǵan Pýtinniń ózi.
