5 تامىزدا ءبىلىم بەرۋ وبەكتىلەرىنە قاتىستى جاڭا سانيتارلىق ەرەجەلەر بەكىتىلدى. ەرەجەلەردەگى جاڭا تالاپتار ءبىلىم بەرۋ فورماتىن، تاماقتاندىرۋدى ۇيىمداستىرۋدى، عيماراتقا، ءدارىس زالدارىندا، سپورت جانە اكت زالدارىندا، زەرتحانالىق، پراكتيكالىق جانە ستۋديالىق ساباقتارعا جانە جاتاقحانالارداعى بولمەلەردە سىيىمدىلىقتىڭ، ورنالاسۋدىڭ شەكتەۋلى كولەمىن قامتيدى، - دەدى سوي.
بۇگىندەرى، ونىڭ ايتۋىنشا، مۇعالىمدەر مەن باسقا مەكتەپ قىزمەتكەرلەرىن ۆاكسينالاۋ جۇمىستارى اياقتالۋعا جاقىن، ال 18 جاستان اسقان ستۋدەنتتەردى ۆاكسينالاۋ ەندى باستالدى.
ءوز كەزەگىندە، اۋماقتىق دەپارتامەنتتەر مەكتەپتەردىڭ جاڭا وقۋ جىلىنا دايىندىعىن مونيتورينگىلەۋدى جالعاستىرۋدا.
"قولدانىستاعى زاڭناماعا سايكەس، مەديسينالىق تۇراقتى كورسەتكىشتەرى بار ادامداردى قوسپاعاندا، مۇعالىمدەر مەن مەكتەپ قىزمەتكەرلەرى 100% ۆاكسينا العاندا عانا ءبىلىم بەرۋدىڭ ءداستۇرلى فورماتىنا كوشۋگە بولادى.
ءبىز مۇعالىمدەر، مەكتەپ قىزمەتكەرلەرى مەن اتا-انالار اراسىنان اۋرۋ جۇقتىرعان، ۆاكسينا الماعان جانە ناۋقاسپەن بايلانىسقا تۇسكەن ادامداردى مونيتورينگىلەپ وتىرۋ ءۇشىن مەكتەپتەردىڭ كىرەبەرىسىنە Ashyq قوسىمشاسىن قولدانعان ءجون دەپ سانايمىز"، دەپ ءتۇسىندىردى مينيستر.
سونىمەن قاتار ول سانيتارلىق-ەپيدەمياعا قارسى شارالاردىڭ قاتاڭ ساقتالۋىن قامتاماسىز ەتۋ قاجەتتىگىن باسا ايتتى، وعان بارلىق قىزمەتكەرلەر مەن وقۋشىلاردىڭ كۇندەلىكتى تاڭەرتەڭ سۇزگى ارقىلى مەكتەپكە كىرگىزۋ، بۇقارالىق ءىس-شارالارعا تىيىم سالۋ، كابينەتتىك وقىتۋ جۇيەسىن جويۋ، ساباقتاردى ءبولۋ جانە ءۇزىلىس ۋاقىتىن ءار ءتۇرلى سىنىپتارعا ساي وزگەرىستۋ، اسحانالاردا تاماقتانۋدى ۇيىمداستىرۋ جۇمىسىنا باقىلاۋدى كۇشەيتۋ جاتادى.
"مەكتەپتە كارانتين ەنگىزىلگەن جاعدايدا قاشىقتىقتان وقىتۋعا كوشۋ ءبىر ينكۋباسيالىق كەزەڭدەگى جاعدايلاردىڭ سانىنا، انىقتالعان سانيتارلىق-ەپيدەميولوگيالىق رەجيمنىڭ بۇزىلۋىنا، سونداي-اق ناۋقاسپەن جاقىن بايلانىستاعى ادامدار سانىنا بايلانىستى سارالانعان تۇردە جۇرگىزىلەتىن بولادى"، - دەدى ول.
