اۋىر ەكونوميكالىق قىلمىس جاسادى دەگەن كٷدٸككە ٸلٸنگەن قازاقستان ازاماتى گرۋزييادان ەلگە قايتارىلدى. بۇل تۋرالى باس پروكۋراتۋرا مەن قارجى مونيتورينگٸ اگەنتتٸگٸ مەلٸمدەدٸ, دەپ حابارلايدى Dalanews.kz.
ۆەدومستۆولاردىڭ حابارلاۋىنشا, كٷدٸكتٸنٸ قازاقستانعا ەكستراديتسييالاۋ ميللياردتاعان سالىق تٶلەمەۋگە قاتىستى قىلمىستىق ٸس اياسىندا جٷزەگە اسقان. تەرگەۋ دەرەكتەرٸنە سەيكەس, ول 2023–2024 جىلدارى الماتى قالاسىندا ورنالاسقان كوممەرتسييالىق ۇيىمدى باسقارعان. وسى كەزەڭدە سىبايلاستارىمەن بٸرگە ناقتى جۇمىس اتقارماي, جالعان شوت-فاكتۋرالار رەسٸمدەگەن.
زاڭسىز ەرەكەتتەر سالدارىنان مەملەكەتكە شامامەن 1,3 ميلليارد تەڭگە كٶلەمٸندە سالىقتىق شىعىن كەلتٸرٸلگەنٸ انىقتالدى.
قۇقىق قورعاۋ ورگاندارىنىڭ مەلٸمەتٸنشە, قىلمىس جاسالعاننان كەيٸن كٷدٸكتٸ بوي تاسالاپ, حالىقارالىق ٸزدەۋگە جارييالانعان. ول 2025 جىلدىڭ قىركٷيەگٸندە گرۋزييا اۋماعىندا ۇستالىپ, باس پروكۋراتۋرانىڭ سۇراۋى بويىنشا قازاقستانعا ەكستراديتسييالاندى.
قازٸرگٸ ۋاقىتتا ەر ادام تەرگەۋ يزولياتورىنا قامالدى. ال وسى قىلمىستىق ٸس بويىنشا ونىڭ سىبايلاستارىنىڭ بٸرٸ سەۋٸر ايىندا سوت ٷكٸمٸمەن باس بوستاندىعىنان ايىرىلعان.
