Түркістан облысында азаматтардың өмірі мен денсаулығына қауіп төндіретін заңсыз темекі өнімдерін өндіру, сату және айналымға енгізумен айналысқан қылмыстық топ әшкере болды, – деп хабарлайды Dalanews.kz.
Арнайы операция нәтижесінде 1 000 шаршы метр аумақта күнделікті 30-дан аса жұмысшы жұмыс істейтін заңсыз цех жойылған.
Шикізат дайындау мен логистиканы ұйымдастырудан бастап, Астана, Алматы, Шымкент қалаларында және басқа өңірлерде ірі көтерме жеткізушілер арқылы өткізу арналарына дейінгі қылмыстық қызметтің барлық схемасы анықталған.
"Заңсыз айналымнан 10 млннан аса тыйым салынған дайын өнім, 28,8 млн бір реттік доза болатын 14,4 тоннадан аса темекі, 3,3 мың литрден аса хош иістендіргіш пен улы қоспалар, сондай-ақ, өндірістік жабдықтар тәркіленді", - деп жазылған хабарламада.
