– Өтініш беруші өзінің шекараларын мемлекеттік кадастрлық картаға салу арқылы өзіне қажетті бос учаскені дербес таңдайды. Сол жерде ол өзінің өтінімінің мәртебесін және лауазымды тұлғалардың іс-әрекеттерін қадағалай алады, – деді Н. Михейлис.
Сонымен қатар, биылғы жылы "жер учаскесін жалға алу мерзімін ұзарту" атты жаңа қызмет пайда болды. Қағидаларға сәйкес көрсетілетін қызметті берушілер жергілікті атқарушы органдар екенін атап өту қажет.
Сонымен қатар, жер қатынастары саласындағы мемлекеттік қызметтер ең танымал қызметтердің қатарына кіреді. Осы жылдың 9 айында облыс әкімдіктері мен жер қатынастары бөлімдері 12143 қызмет көрсетті.
– Ағымдағы жылы өңірдің қалалары мен аудандарында ауыл шаруашылығы мақсаттары үшін жер учаскелерін беру бойынша ауданы 40,6 мың гектар 178 жер учаскесі бойынша 13 конкурс өткізілгенін, ал «gosreestr.kz» веб-порталында коммерциялық мақсаттар үшін жер учаскелерін сату бойынша 33 аукцион өткізілді, онда жалпы сомасы 102,1 млн. теңгеге ауданы 28,7 га 87 жер учаскесі сатылды, – деді ШҚО ЖҚБ басшысы.
