Ұлттық экономика министрі Серік Жұманғарин сән-салтанатқа салынатын салықты енгізу мәселесіне қатысты пікір білдірді, деп хабарлайды Dalanews.kz.

Оның айтуынша, сән-салтанатқа жеке салық қарастырылмаған, алайда белгілі бір нысандарға – элиталық жылжымайтын мүлікке, қымбат көліктер мен премиум санаттағы тауарларға жоғары салық салу көзделген.

“Ол үшін алдымен сән-салтанаттың нақты анықтамасын жасау керек”, – деді Жұманғарин.

Мысал ретінде ол белгілі бір шекті мөлшерден асатын мүлік пен көліктерге салықтың ұлғаятынын айтты:

– Егер адамның жылжымайтын мүлкінің жалпы құны 450 миллион теңгеден асса, салық мөлшері өседі;

– Автокөліктерге қойылатын шек – 75 миллион теңге;

– Сонымен қатар қымбат сигарлар мен алкоголь өнімдеріне салық мөлшерлемесін арттыру мәселесі де қарастырылып жатыр.

Министр мұндай жүйені енгізу барысында барынша сақтық танытып, әділетсіз шешімдердің алдын алу маңызды екенін атап өтті.