Қазақстанда лауазымды тұлғалардың кірістері мен мүлкін декларациялау қағидаларына өзгерістер енгізетін қаулы жобасы әзірленді. Құжаттағы өзгерістерге Мемлекеттік қызмет істері агенттігі бастамашы болды, деп хабарлайды Dalanews.kz.
Жобаға сәйкес,мынандай өзгерістер ұсынылады:
- лауазымды тұлғалар мен олардың жұбайларының активтері мен міндеттемелері туралы мәліметтердің қайталануын болдырмау;
- декларацияларды өзгерістер енгізілген жағдайда ғана жариялау.
Құжатты әзірлеуге "Сыбайлас жемқорлыққа қарсы іс-қимыл туралы" Заңның 11-бабының 9-тармағы негіз болды.
Жоба қоғамдық талқы үшін 2025 жылғы 8 қазанға дейін "Ашық НҚА" порталына орналастырылды.
Айта кетсек, Жалпыға бірдей декларациялау шарасы аясында жеке тұлғалар үшін декларацияның екі түрі қарастырылады:
- активтер мен міндеттемелер туралы-250.00-нысан (жүйеге кірген кезде бір рет тапсырылады, жинақталған активтерді тіркейді);
- 270.00 нысан — кірістер мен мүліктер туралы (жыл сайын).
