ҚР Президенті Қасым-Жомарт Тоқаевтың Қазақстан халқы Ассамблеясының ХХХІІ сессиясында сөйлеген сөзінде шешуді қажет ететін өзекті мәселелер көтерілді.
Ассамблея маңызды қоғамдық-саяси институт болып, шынайы демократиялық қағидаттар мен құндылықтарды іс жүзінде жүзеге асыратыны және оның одан әрі дамуы үшін зор әлеуеті бар екені атап өтілді.
– Президенттің сөздері саяси, әлеуметтік, экономикалық, этнодемографиялық, мәдени факторлардың жаңа үйлесімдері қалыптасып, сын-қатерлерге жедел ден қоюды талап ететін заманауи жағдайда ерекше өзекті болып отыр.
Осы орайда этносаралық қатынастар саласындағы ғылыми зерттеулерге баса назар аудару қажет.
Бұл жерде салмақты ғылыми көзқарас пен ғылыми-сараптамалық жұмыстың практикалық қайтарымы қажет. Сонымен қатар, өңірлердегі жұмыс тәжірибесін, этномәдени бірлестіктердің өзара әрекеттесу ерекшеліктерін, түйткілді мәселелер мен оларды шешудің ықтимал жолдарын қарастыру қажет, – деді Нелли Краснобаева.
