Бүгінде Алматыда қала басшысы Ерболат Досаевтың тапсырмасы бойынша Инклюзивті қалалық орта құру бойынша белсенді жұмыс жүргізілуде, – деп хабарлайды Dalanews.kz Алматы қаласы әкімінің баспасөз қызметіне сілтеме жасап.
Бүгін Алматы қаласы әкімінің штаттан тыс кеңесшісі Қасиет Омарова Инклюзивті ортаны дамыту жөніндегі Кеңестің бірінші отырысында инклюзия – халықтың аз қозғалатын тобы үшін қалалық ортаның физикалық қолжетімділігін қамтамасыз етуді ғана емес, сонымен қатар барлық азаматтардың қала өміріне белсенді араласуы үшін тең мүмкіндіктер жасауға бағытталған шара екенін алға тартты.
– Маған жаңартылған кеңестің сындарлы тәсілі қатты ұнады. Ол негізінен қоғамдық ұйымдардың өкілдерінен әрі өзін-өзі инклюзиялау проблемалары туралы білмейтін адамдардан тұрады.
Инклюзивтілік әлеуметтік қорғау жөніндегі органның жұмысын ғана емес, сонымен қатар барлық басқа мемлекеттік органдардың жұмысын да қамтитыны, яғни, қаланың дамуы үшін қажетті барлық бағыттарды қамтитыны өте маңызды. Өйткені адамдар бар жерде инклюзия мәселесінің болуы заңды, – деп атап өтті штаттан тыс кеңесші.
Қасиет Омарова жайлы қалалық орта құруға және оның тұрғындарының өмір сүру сапасын арттыруға бағытталған «Алматы қаласын дамытудың 2025 жылға дейінгі бағдарламасы мен 2030 жылға дейінгі орта мерзімді перспективаларды» іске асыруда инклюзия шешуші рөл атқаруға тиіс екенін атап өтті.
