Облыстық прокурор қызметін уақытша атқарушы Айдос Майлыбаевтың журналистерге хабарлауынша, 56 жастағы Қайрат Терлікбаевтың 5 тамызда Луговойдағы өз үйінде асылып тұрғанын депутаттың әйелі көрген.

"Өз-өзіне қол жұмсауға дейін жеткізу" бабы бойынша тергеу жүріп жатыр.

Прокуратура өкілінің сөзіне қарағанда, марқұмнын денесінен зорлық іздері байқалмаған. Сот-медициналық сараптама Мерке ауылында жүргізіледі. Терлікбаев қоштасу хатын тастамаған.

Қайрат Терлікбаев "Қазақстан темір жолы" компаниясының филиалы "Луговой рельс желімдеу кәсіпорынының" директоры болып істеген.