Ішкі істер министрлігі Jet, Яндекс, Woosh, Bolt және Бірыңғай микромобильдік оператор секілді ірі кикшеринг сервистерімен кездесу өткізді. Компанияларға мобильді патрульдер құру және техникалық шектеулер енгізу тапсырылды. Енді самокаттар саябақтарда, жағалауларда және көпшілік шаралар өтетін орындарда автоматты түрде өшіріледі, ал самокатты дұрыс қоймаған жағдайда сапарды аяқтау мүмкін болмайды, деп хабарлайды Dalanews.kz.
Жыл басынан бері электрсамокаттардың қатысуымен 213 жол апаты тіркеліп, 224 адам зардап шеккен. Бұзушылықтардың 95%-ы Алматының үлесінде. Негізгі мәселелердің бірі — сервистердің әкімдіктермен және полициямен өзара байланысының әлсіздігі.
Компаниялар жаңа ережелерді жақын арада енгізуге уәде берді. Дегенмен мәселені түбегейлі шешу үшін инфрақұрылымды дамыту қажет: бүгінде елімізде небәрі 594 км веложол бар, ал қажеттілік 2000 км-ден асады.
