Қазақстанда кредит рәсімдеу қиындайды, деп хабарлайды Dalanews.kz. 

Бұл туралы Ұлттық банк төрағасы Тимур Сүлейменов мәлімдеді. Оның айтуынша, елдегі тұтынушылық несиелеу нарығындағы «қызуды басу» үшін осындай шараға бару көзделіп отыр.

Сүлейменовтің сөзінше, реттеушімен бірлесіп жаңа тетіктер енгізілуде: қарыз жүктемесінің коэффициенті мен қарыздың табысқа арақатынасы. Бұл қадамдар шамадан тыс несиелеу тәуекелдерін азайтуға көмектеспек.

«Қаржы нарығын реттеу және дамыту агенттігі (ҚНРДА) да қарыз алушыларды, әсіресе қазірдің өзінде кредит бойынша мерзімі өткен берешектері барларды қатаңырақ бағалау шараларын енгізуді жоспарлап отыр. Яғни бұл кешенді түрде «қызып кеткенді» төмендетуге әсер етеді», – деді Сүлейменов.