Бір айда отандық банктер арасында юань саудасының көлемі 133 есеге өскен.Бір қызығы, биржадан тыс нарықта резидент банктер арасында Қытай валютасымен сауда-саттықтың қалыптан тыс жоғары көлемі жыл басынан бері үшінші рет тіркеліп отыр, деп жазады Dalanews.kz DATA HUB-қа сілтеме жасап.
"Қараша айының қорытындысы бойынша, биржадан тыс нарықта резидент банктер арасында Қытай валютасын сатып алу/сату бойынша операция көлемі 1,35 млрд юанды құрады. Бұл орташа бағам бойынша есептесек, 94,7 млрд теңге болады. Дәстүрлі түрде резиденттердің үлесіне сауданың барлығы дерлік тиесілі болды: юаньді сатып алудың да, сатудың да жалпы көлемі, бейрезиденттермен жасалған операцияларды есепке алғанда 1,45 млрд юань болды. Өткен аймен салыстырғанда көрсеткіш кемі 133 есеге өскен", делінеді Бірінші кредиттік бюросы ұсынған мәліметте.
Таңғаларлығы, ең алдымен, қазан айында транзакциялар көлемі мардымсыз (10,5 млн юань) болған. Дегенмен, сарапшылар мұндай жағдай бізде жиі орын алатынын айтады: мысалы, 2024 жылы 11 айдың жетеуінде көрсеткіш нөлге жақын болған.
"Қарашадағы көрсеткіш бүкіл кезеңде екінші рет көрініс тауып отыр. Бұған дейін 1 млрд юань деңгейінен бір-ақ рет, 2024 жылдың шілде айында (3,88 млрд юань) асып кеткен. Бір қызығы, биржадан тыс нарықта резидент банктер арасында Қытай валютасымен сауда-саттықтың қалыптан тыс жоғары көлемі жыл басынан бері үшінші рет тіркелді (мамырда 864,8 млн юань болды). Бұған дейін бақылаушылар біздің биржадан тыс сауда-саттықтағы өсімді тек юаньмен ғана емес, Мәскеу биржасына қарсы санкциялардың енгізілуімен байланыстырды. Сонымен бірге ресейлік компаниялардың Қытаймен есеп айырысу механизмдерін өзгерткен болуы мүмкін".
Тағы да. Ресей Федерациясының Орталық банкінің деректеріне сенсек, соңғы 2,5 жылда Ресей импортындағы "достас" елдер валюталарының (негізінен, юань) үлесі 1%-дан 46%-ға (!) дейін бір-ақ өсті.
Бұл ретте Bloomberg дереккөздері Қазақстанның валюта нарығында ресейлік клиенттердің юаньға деген қызығушылығының артқанын атап өтті. Операциялар теңгеден басқа валютада да жүргізілуі мүмкін екендігі, сондықтан олардың көлемі статистикада көрсетілмейтіні айтылады.
"Бұған қоса, қазан айында күрт өскен ресейлік валютаны биржадан тыс нарықта сатып алу операцияларының көлемі қарашаның соңында іс жүзінде өзінің әдеттегі мәндеріне оралып, 17,7 млрд рубльді құрағанын атап өтеміз. Бұл ұлттық валютаға шаққанда 86,9 млрд теңгені құрайды. Оның үстіне бұл соманың 82 пайызы резидент еместерден түскен", дейді DATA HUB.
