Чемпионаттың үшінші күні «алтайлықтар» үшін жеңісті болып, Ирандық «Сармайе Банк» командасын 3:0 есебімен жеңді. Ойынға көрермен ретінде қатысқан ШҚО әкімі Даниал Ахметов волейболшыларға сәттілік тілеп, тілегін білдірді.
Енді төрттік финалдың ойындары 29 мамыр күні өтпек.
– Бүгінгі ойын менің көңілімнен шықты. Ертең демалыс, сондықтан төрттік финал алдында демалып, дайындалып алмақпыз. Аздаған жарақат алған ойыншылар да бар, – деді команданың жаттықтырушысы Ярослав Антонов.
Естеріңізге сала кетсек, 25 мамырдан бастап ШҚО-да волейболдан әйелдер арасында клубтық Азия Чемпионаты өтіп жатыр. Азия континентінен 8 команда қатысқан Чемпионатта ел намысын «Алтай» волейбол командасы қорғауда.
ШҚО әкімінің баспасөз қызметі
