Ziiatkerler ústimizdegi jyldyń jazynda Ońtústik Koreiada «The World Scholar’s Cup -2023» kontinenttik týrniriniń úzdik komandasy retinde tanylyp, chempiondar birinshiliginiń aqtyq kezeńine joldama alǵan bolatyn.
Áigili Aivi ligasyna kiretin Iel ýniversitetinde ótken dástúrli Chempiondar týrnirinde álemniń qyryqtan astam eliniń 3000-ǵa jýyq orta synyptarynyń oqýshylary Scholar’s Challenge, Scholar’s bowl, Team Debate,Collaborative Writing baǵyttarynda baq synady. Tartysty saiysta ziiatkerler oza shaýyp tórt altyn jáne bir kúmis medaldi qanjyǵalady.
Altyn medaldi Aila Sailaýbek «Scholar’s Challenge» sanatynda, Ailin Qajmuqan «Team Debate» sanatynda, Erasyl Serikov men Eńlik Berikjan «Scholar’s bowl» sanatynda jeńip aldy.
«CollaborativeWriting» boiynsha Balnur Amanjol altyn medal, Mustafaryza Shahin kúmis medal taqty.
Sonymen qatar, komandalyq jarys boiynsha Aila Sailaýbek, Ailin Qajmuqan, Mustafaryza Shahin Ortalyq Aziianyń eń úzdik komandasy ataǵyna ie bolyp, altyn medal iegeri atandy.
– Chempiondar týrnirin tek kezekti jahandyq jarys dep aitý azdyq etedi. Ziiatkerler, 8-synyp oqýshylary, Iel ýniversitetiniń stýdentteri jáne professorlarymen kezdesti. Stýdenttik ómirmen jaqyn tanysyp Amerikanyń jetekshi ýniversitetine túsý úshin World Scholar's Cup álemdik kýbogynyń saiysyndaǵy jetistikterin portfoliolarynda qalai paidalanýǵa bolatynyna arnalǵan arnaiy pikirtalasqa qatysty,– dep aityp ótti jetekshileri, aǵylshyn tili jáne jahandyq perspektivalar men jobalyq jumys pánderi muǵalimi Áigerim Serikbaeva.
