زيياتكەرلەر ٷستٸمٸزدەگٸ جىلدىڭ جازىندا وڭتٷستٸك كورەيادا «The World Scholar’s Cup -2023» كونتينەنتتٸك تۋرنيرٸنٸڭ ٷزدٸك كومانداسى رەتٸندە تانىلىپ, چەمپيوندار بٸرٸنشٸلٸگٸنٸڭ اقتىق كەزەڭٸنە جولداما العان بولاتىن.
ەيگٸلٸ ايۆي ليگاسىنا كٸرەتٸن يەل ۋنيۆەرسيتەتٸندە ٶتكەن دەستٷرلٸ چەمپيوندار تۋرنيرٸندە ەلەمنٸڭ قىرىقتان استام ەلٸنٸڭ 3000-عا جۋىق ورتا سىنىپتارىنىڭ وقۋشىلارى Scholar’s Challenge, Scholar’s bowl, Team Debate,Collaborative Writing باعىتتارىندا باق سىنادى. تارتىستى سايىستا زيياتكەرلەر وزا شاۋىپ تٶرت التىن جەنە بٸر كٷمٸس مەدالدٸ قانجىعالادى.
التىن مەدالدٸ ايلا سايلاۋبەك «Scholar’s Challenge» ساناتىندا, ايلين قاجمۇقان «Team Debate» ساناتىندا, ەراسىل سەرٸكوۆ مەن ەڭلٸك بەرٸكجان «Scholar’s bowl» ساناتىندا جەڭٸپ الدى.
«CollaborativeWriting» بويىنشا بالنۇر امانجول التىن مەدال, مۇستافارىزا شاحين كٷمٸس مەدال تاقتى.
سونىمەن قاتار, كوماندالىق جارىس بويىنشا ايلا سايلاۋبەك, ايلين قاجمۇقان, مۇستافارىزا شاحين ورتالىق ازييانىڭ ەڭ ٷزدٸك كومانداسى اتاعىنا يە بولىپ, التىن مەدال يەگەرٸ اتاندى.
– چەمپيوندار تۋرنيرٸن تەك كەزەكتٸ جاھاندىق جارىس دەپ ايتۋ ازدىق ەتەدٸ. زيياتكەرلەر, 8-سىنىپ وقۋشىلارى, يەل ۋنيۆەرسيتەتٸنٸڭ ستۋدەنتتەرٸ جەنە پروفەسسورلارىمەن كەزدەستٸ. ستۋدەنتتٸك ٶمٸرمەن جاقىن تانىسىپ امەريكانىڭ جەتەكشٸ ۋنيۆەرسيتەتٸنە تٷسۋ ٷشٸن World Scholar's Cup ەلەمدٸك كۋبوگىنىڭ سايىسىنداعى جەتٸستٸكتەرٸن پورتفوليولارىندا قالاي پايدالانۋعا بولاتىنىنا ارنالعان ارنايى پٸكٸرتالاسقا قاتىستى,– دەپ ايتىپ ٶتتٸ جەتەكشٸلەرٸ, اعىلشىن تٸلٸ جەنە جاھاندىق پەرسپەكتيۆالار مەن جوبالىق جۇمىس پەندەرٸ مۇعالٸمٸ ەيگەرٸم سەرٸكباەۆا.
