Jýrnalist Vadim Boreiko ózi júrgizetin "Giperborei" YouTube-arnasynyń jumysy ýaqytsha toqtaǵanyn málimdedi, dep habarlaidy dalanews.kz.
Onyń aitýynsha, biyl tamyzda arnanyń ashylǵanyna jeti jyl tolǵan. Osy ýaqyt ishinde jýrnalist birde-bir ret tolyqqandy demalys almaǵanyn atap ótti.
"Sharshaǵanym bar, oǵan qosa úidegi jumystar da qordalanyp qaldy. Sondyqtan uzaq merzimdi demalysqa shyǵýdy sheshtim. Eshqaida ketpeimin, Almatyda bolamyn. Óitkeni qurylys kompaniiasynyń maǵan qarsy bergen shaǵymyna qatysty azamattyq sot isi áli aiaqtalǵan joq", – dep jazdy Boreiko.
Jýrnalist arnanyń jumysyn qashan qaita jalǵastyratynyn naqtylamady.
