جۋرناليست ۆاديم بورەيكو ٶزٸ جٷرگٸزەتٸن "گيپەربورەي" YouTube-ارناسىنىڭ جۇمىسى ۋاقىتشا توقتاعانىن مەلٸمدەدٸ, دەپ حابارلايدى dalanews.kz.
ونىڭ ايتۋىنشا, بيىل تامىزدا ارنانىڭ اشىلعانىنا جەتٸ جىل تولعان. وسى ۋاقىت ٸشٸندە جۋرناليست بٸردە-بٸر رەت تولىققاندى دەمالىس الماعانىن اتاپ ٶتتٸ.
"شارشاعانىم بار, وعان قوسا ٷيدەگٸ جۇمىستار دا قوردالانىپ قالدى. سوندىقتان ۇزاق مەرزٸمدٸ دەمالىسقا شىعۋدى شەشتٸم. ەشقايدا كەتپەيمٸن, الماتىدا بولامىن. ٶيتكەنٸ قۇرىلىس كومپانيياسىنىڭ ماعان قارسى بەرگەن شاعىمىنا قاتىستى ازاماتتىق سوت ٸسٸ ەلٸ اياقتالعان جوق", – دەپ جازدى بورەيكو.
جۋرناليست ارنانىڭ جۇمىسىن قاشان قايتا جالعاستىراتىنىن ناقتىلامادى.
