Prokýror zorlyq deregi boıynsha kúdikke ilingen Taldyqorǵan qalalyq polısıa basqarmasynyń burynǵy bastyǵy Marat Kúshtibaevty 12 jylǵa sottaýdy surady, - dep habarlaıdy Dalanews.kz.

Aıta keteıik, 5 naýryzda Kúshtibaevtyń densaýlyǵyna baılanysty sot otyrysy keıinge qalǵan edi. Jedel járdem ony sot zalynan áketip, aýrýhananyń kardıologıa bólimine jetkizgen.

Eske salaıyq, byltyr qarashada Taldyqorǵan polısıasynyń basshysy Marat Kúshtibaev qyz zorlady degen kúdikpen ustalǵan bolatyn.

Sonymen qatar, buǵan deıin sot otyrysy bastalǵany da aıtyldy.

"Taldyqorǵan qalalyq soty QR Qylmystyq kodeksi 120-baby 2-bóliginiń 5-tarmaǵymen aıyptalǵan kúdikti K-ǵa qatysty qylmystyq isti qaraýdy bastady. Proses jabyq rejımde ótip jatyr",- dep habarlady buǵan deıin Jetisý oblystyq sotynyń baspasóz qyzmetinen.

18 naýryzda Zorlyq deregi boıynsha kúdikke ilingen Taldyqorǵan qalalyq polısıa basqarmasynyń burynǵy bastyǵy Marat Kúshtibaevqa qatysty sot otyrysy jalǵasty. 

Jalpy Kúshtibaevtyń isi boıynsha sot otyrysy aqpanda bastalǵan, proses jabyq ótip jatyr. Sotqa deıingi tergeý isi Qylmystyq kodekstiń 120-babynyń 2-bóligi ("qyzmettik mindetin atqarý kezinde jasaǵan zorlaý") boıynsha júrgizilgen.

Al 5 naýryzda Kúshtibaevtyń densaýlyǵyna baılanysty sot otyrysy keıinge qalǵan bolatyn. Sebebi jedel járdem ony sot zalynan áketip, aýrýhananyń kardıologıa bólimine jetkizgen.

Tengrinews.kz málimetinshe, bul týraly Jetisý oblystyq sotynyń baspasóz qyzmeti ókilderi málimdegen.

"Qylmystyq kodekstiń 120-baby ("Zorlaý") boıynsha aıyptalyp jatqan K. boıynsha qylmystyq is Taldyqorǵan sotynda qaralyp jatyr. Sot otyrysy 28 naýryzǵa belgilendi", - dep jazylǵan sottyń baspasóz qyzmeti málimetinde.