پروكۋرور زورلىق دەرەگى بويىنشا كۇدىككە ىلىنگەن تالدىقورعان قالالىق پوليسيا باسقارماسىنىڭ بۇرىنعى باستىعى مارات كۇشتىبايەۆتى 12 جىلعا سوتتاۋدى سۇرادى، - دەپ حابارلايدى Dalanews.kz.

ايتا كەتەيىك، 5 ناۋرىزدا كۇشتىبايەۆتىڭ دەنساۋلىعىنا بايلانىستى سوت وتىرىسى كەيىنگە قالعان ەدى. جەدەل جاردەم ونى سوت زالىنان اكەتىپ، اۋرۋحانانىڭ كارديولوگيا بولىمىنە جەتكىزگەن.

ەسكە سالايىق، بىلتىر قاراشادا تالدىقورعان پوليسياسىنىڭ باسشىسى مارات كۇشتىبايەۆ قىز زورلادى دەگەن كۇدىكپەن ۇستالعان بولاتىن.

سونىمەن قاتار، بۇعان دەيىن سوت وتىرىسى باستالعانى دا ايتىلدى.

"تالدىقورعان قالالىق سوتى ق ر قىلمىستىق كودەكسى 120-بابى 2-بولىگىنىڭ 5-تارماعىمەن ايىپتالعان كۇدىكتى ك-عا قاتىستى قىلمىستىق ءىستى قاراۋدى باستادى. پروسەسس جابىق رەجيمدە ءوتىپ جاتىر"،- دەپ حابارلادى بۇعان دەيىن جەتىسۋ وبلىستىق سوتىنىڭ باسپا ءسوز قىزمەتىنەن.

18 ناۋرىزدا زورلىق دەرەگى بويىنشا كۇدىككە ىلىنگەن تالدىقورعان قالالىق پوليسيا باسقارماسىنىڭ بۇرىنعى باستىعى مارات كۇشتىبايەۆقا قاتىستى سوت وتىرىسى جالعاستى. 

جالپى كۇشتىبايەۆتىڭ ءىسى بويىنشا سوت وتىرىسى اقپاندا باستالعان، پروسەسس جابىق ءوتىپ جاتىر. سوتقا دەيىنگى تەرگەۋ ءىسى قىلمىستىق كودەكستىڭ 120-بابىنىڭ 2-بولىگى ("قىزمەتتىك مىندەتىن اتقارۋ كەزىندە جاساعان زورلاۋ") بويىنشا جۇرگىزىلگەن.

ال 5 ناۋرىزدا كۇشتىبايەۆتىڭ دەنساۋلىعىنا بايلانىستى سوت وتىرىسى كەيىنگە قالعان بولاتىن. سەبەبى جەدەل جاردەم ونى سوت زالىنان اكەتىپ، اۋرۋحانانىڭ كارديولوگيا بولىمىنە جەتكىزگەن.

Tengrinews.kz مالىمەتىنشە، بۇل تۋرالى جەتىسۋ وبلىستىق سوتىنىڭ باسپا ءسوز قىزمەتى وكىلدەرى مالىمدەگەن.

"قىلمىستىق كودەكستىڭ 120-بابى ("زورلاۋ") بويىنشا ايىپتالىپ جاتقان ك. بويىنشا قىلمىستىق ءىس تالدىقورعان سوتىندا قارالىپ جاتىر. سوت وتىرىسى 28 ناۋرىزعا بەلگىلەندى"، - دەپ جازىلعان سوتتىڭ باسپا ءسوز قىزمەتى مالىمەتىندە.