Bul týraly Balalar isi jónindegi ýákil Zaǵıpa Balıeva málim etti dep habarlady Tengrinews.kz.
«Iá, balany ol Almatyǵa alyp ketpekshi, ol eshkimdi tyńdaǵysy da, túsingisi kelmeıdi. Munda psıholog bar, barlyq jaǵdaı bar dep túsindirip jatsaq túk uqpaıdy. Eki advokaty ne aıtady, sony isteıdi. Biz áıelmen jóndi sóılese almadyq. Ol ájesi men tátesine balany qaraý úshin berilgen senimhattyń kúshin joıdy», — dedi ábden kúıingen Balıeva.
Onyń aıtýynsha, balaǵa qatysty barlyq quqyqqa anasy ıe.
«Ábden túsindirýge tyrystym.
Jaraıdy, balany jiberemiz, siz táýelsiz saraptama jasaısyz, tipti ol halyqaralyq bolsyn, biraq oǵan senbeıtin taraptar erteń tabylady. Sol kezde báribir balany Astanaǵa ákelýge, taǵy bir saraptamadan ótkizýge týra keledi, balaǵa obal emes pe dedim. Biraq ol meni múlde tyńdamady.
Tyńdaǵysy da kelgen joq. Al men onyń talabyn qanaǵattandyrmaýǵa esh qaqym joq. sóıtip balany sheshesine berdik», — deıdi depýtat.
Sheshesin balaǵa birden nege kirgizbegenderin ol bylaı túsindirdi:
«Olar osynda dúrligip jetip keldi, bári ashýly.
Sodan tek sheshesine júrińiz, balańyzǵa alyp baraıyn dep edim, ol kelispedi. «Maǵan balany qazir osy araǵa alyp kel, biz ketemiz» dep kesip aıtty.
Jaǵdaıdy túsindirdim. Mynandaı túrińizben qazir balaǵa bara almaısyz. Psıhologtar men psıhoterapevter bar ol arada. Olar forma kıgen adam men ashýly adamdardy balaǵa jolatpaıdy. Osylaı desem, sóz uqpaıdy. Ber dedim ǵoı, ber dep. Árbirden keıin balanyń densaýlyǵyna eń birinshi anasy jaýapty. Ne dese de sonyń aıtqany bolsyn dedik, ne isteımiz. Biraq balany birden qoldaryna ustata salǵan joqpyz.
Eger ol balasymen kórisýge kelse,
onda arnaıy prokýrordy, tergeýshilerdi shaqyraıyq dedim. Olar budan keıingi prosesýaldyq áreketterdi ózara kelisýi kerek qoı. Anasyna jaǵdaıdy túsindirýi tıis. Odan tıisti qujattardy qabyldaýy kerek. Anasy balasyn alyp ketetin bolyp, memlekettik qorǵaýdan bas tartatyn bolyp sheshim qabyldady.
Endi bul óziniń tańdaýy. Maǵan kelispeske basqa amal qalmady. Balany alyp ketti», — deıdi Balıeva.
Bala qolyna tıgen soń sheshesi ony kólikke salyp alyp, belgisiz baǵytqa tartyp qoıǵan. Al advokattar balaǵa táýelsiz saraptama Almatyda jasalatynyn aıtty.
https://youtu.be/vnd29yyWV0o
