بۇل تۋرالى بالالار ٸسٸ جٶنٸندەگٸ ۋەكٸل زاعيپا باليەۆا مەلٸم ەتتٸ دەپ حابارلادى Tengrinews.kz.
«يە, بالانى ول الماتىعا الىپ كەتپەكشٸ, ول ەشكٸمدٸ تىڭداعىسى دا, تٷسٸنگٸسٸ كەلمەيدٸ. مۇندا پسيحولوگ بار, بارلىق جاعداي بار دەپ تٷسٸندٸرٸپ جاتساق تٷك ۇقپايدى. ەكٸ ادۆوكاتى نە ايتادى, سونى ٸستەيدٸ. بٸز ەيەلمەن جٶندٸ سٶيلەسە المادىق. ول ەجەسٸ مەن تەتەسٸنە بالانى قاراۋ ٷشٸن بەرٸلگەن سەنٸمحاتتىڭ كٷشٸن جويدى», — دەدٸ ەبدەن كٷيٸنگەن باليەۆا.
ونىڭ ايتۋىنشا, بالاعا قاتىستى بارلىق قۇقىققا اناسى يە.
«ەبدەن تٷسٸندٸرۋگە تىرىستىم.
جارايدى, بالانى جٸبەرەمٸز, سٸز تەۋەلسٸز ساراپتاما جاسايسىز, تٸپتٸ ول حالىقارالىق بولسىن, بٸراق وعان سەنبەيتٸن تاراپتار ەرتەڭ تابىلادى. سول كەزدە بەرٸبٸر بالانى استاناعا ەكەلۋگە, تاعى بٸر ساراپتامادان ٶتكٸزۋگە تۋرا كەلەدٸ, بالاعا وبال ەمەس پە دەدٸم. بٸراق ول مەنٸ مٷلدە تىڭدامادى.
تىڭداعىسى دا كەلگەن جوق. ال مەن ونىڭ تالابىن قاناعاتتاندىرماۋعا ەش قاقىم جوق. سٶيتٸپ بالانى شەشەسٸنە بەردٸك», — دەيدٸ دەپۋتات.
شەشەسٸن بالاعا بٸردەن نەگە كٸرگٸزبەگەندەرٸن ول بىلاي تٷسٸندٸردٸ:
«ولار وسىندا دٷرلٸگٸپ جەتٸپ كەلدٸ, بەرٸ اشۋلى.
سودان تەك شەشەسٸنە جٷرٸڭٸز, بالاڭىزعا الىپ بارايىن دەپ ەدٸم, ول كەلٸسپەدٸ. «ماعان بالانى قازٸر وسى اراعا الىپ كەل, بٸز كەتەمٸز» دەپ كەسٸپ ايتتى.
جاعدايدى تٷسٸندٸردٸم. مىنانداي تٷرٸڭٸزبەن قازٸر بالاعا بارا المايسىز. پسيحولوگتار مەن پسيحوتەراپەۆتەر بار ول ارادا. ولار فورما كيگەن ادام مەن اشۋلى ادامداردى بالاعا جولاتپايدى. وسىلاي دەسەم, سٶز ۇقپايدى. بەر دەدٸم عوي, بەر دەپ. ەربٸردەن كەيٸن بالانىڭ دەنساۋلىعىنا ەڭ بٸرٸنشٸ اناسى جاۋاپتى. نە دەسە دە سونىڭ ايتقانى بولسىن دەدٸك, نە ٸستەيمٸز. بٸراق بالانى بٸردەن قولدارىنا ۇستاتا سالعان جوقپىز.
ەگەر ول بالاسىمەن كٶرٸسۋگە كەلسە,
وندا ارنايى پروكۋروردى, تەرگەۋشٸلەردٸ شاقىرايىق دەدٸم. ولار بۇدان كەيٸنگٸ پروتسەسسۋالدىق ەرەكەتتەردٸ ٶزارا كەلٸسۋٸ كەرەك قوي. اناسىنا جاعدايدى تٷسٸندٸرۋٸ تيٸس. ودان تيٸستٸ قۇجاتتاردى قابىلداۋى كەرەك. اناسى بالاسىن الىپ كەتەتٸن بولىپ, مەملەكەتتٸك قورعاۋدان باس تارتاتىن بولىپ شەشٸم قابىلدادى.
ەندٸ بۇل ٶزٸنٸڭ تاڭداۋى. ماعان كەلٸسپەسكە باسقا امال قالمادى. بالانى الىپ كەتتٸ», — دەيدٸ باليەۆا.
بالا قولىنا تيگەن سوڭ شەشەسٸ ونى كٶلٸككە سالىپ الىپ, بەلگٸسٸز باعىتقا تارتىپ قويعان. ال ادۆوكاتتار بالاعا تەۋەلسٸز ساراپتاما الماتىدا جاسالاتىنىن ايتتى.
https://youtu.be/vnd29yyWV0o
