Memleket basshysy Nursultan Nazarbaev «Nur Otan» partıasy Saıası keńesiniń keńeıtilgen otyrysynda Ońtústik Qazaqstan oblysynda kámeletke tolmaǵan balanyń atyshýly isi týraly pikir bildirdi.
«Memlekettik qyzmetke laıyqty adamdardyń kelýi jáne laıyqty túrde ilgeriletilýi úshin kez kelgen sýbektıvızmdi joıý qajet. Munan basqasha bolmaýy tıis. Jarıa túrde de aıta alamyn. Keshe Qaýipsizdik Keńesinde de aıtqan edim.
Ońtústik Qazaqstan oblysynda joǵary synyp oqýshylary balany zorlaǵan.
Sonyń tóńireginde qandaı áýre-sarsań bastaldy deseńshi. Eshkim taba almady, dáleldeı almady. Nege ekenin bilesizder me? Óıtkeni tizbektiń barlyq jerinde týǵan-týystary otyrǵan: polısıa, joǵary organ, odan joǵary organda da týǵan-týystar. Barlyǵy da bul isti jabýǵa tyrysyp baqty", - dep atap ótti Memleket basshysy.
Eske salaıyq, OQO-nyń Saryaǵash aýdanyndaǵy Abaı aýylynda seksýaldyq zorlyq boldy degen málimet Jelide naýryz aıynda paıda bolǵan edi. Al joǵary synyptaǵylar top bolyp zorlady degen kúdikke ilindi. Bul oqıǵa qoǵamda qyzý talqylanǵan bolatyn.
Derekkóz: ult.kz
