مەملەكەت باسشىسى نۇرسۇلتان نازاربايەۆ «نۇر وتان» پارتياسى ساياسي كەڭەسىنىڭ كەڭەيتىلگەن وتىرىسىندا وڭتۇستىك قازاقستان وبلىسىندا كامەلەتكە تولماعان بالانىڭ اتىشۋلى ءىسى تۋرالى پىكىر ءبىلدىردى.
«مەملەكەتتىك قىزمەتكە لايىقتى ادامداردىڭ كەلۋى جانە لايىقتى تۇردە ىلگەرىلەتىلۋى ءۇشىن كەز كەلگەن سۋبەكتيۆيزمدى جويۋ قاجەت. مۇنان باسقاشا بولماۋى ءتيىس. جاريا تۇردە دە ايتا الامىن. كەشە قاۋىپسىزدىك كەڭەسىندە دە ايتقان ەدىم.
وڭتۇستىك قازاقستان وبلىسىندا جوعارى سىنىپ وقۋشىلارى بالانى زورلاعان.
سونىڭ توڭىرەگىندە قانداي اۋرە-سارساڭ باستالدى دەسەڭشى. ەشكىم تابا المادى، دالەلدەي المادى. نەگە ەكەنىن بىلەسىزدەر مە؟ ويتكەنى تىزبەكتىڭ بارلىق جەرىندە تۋعان-تۋىستارى وتىرعان: پوليسيا، جوعارى ورگان، ودان جوعارى ورگاندا دا تۋعان-تۋىستار. بارلىعى دا بۇل ءىستى جابۋعا تىرىسىپ باقتى"، - دەپ اتاپ ءوتتى مەملەكەت باسشىسى.
ەسكە سالايىق، وقو-نىڭ سارىاعاش اۋدانىنداعى اباي اۋىلىندا سەكسۋالدىق زورلىق بولدى دەگەن مالىمەت جەلىدە ناۋرىز ايىندا پايدا بولعان ەدى. ال جوعارى سىنىپتاعىلار توپ بولىپ زورلادى دەگەن كۇدىككە ءىلىندى. بۇل وقيعا قوعامدا قىزۋ تالقىلانعان بولاتىن.
دەرەككوز: ult.kz
