Qazaqstanda jol erejesin birneshe ret jáne óreskel buzatyn júrgizýshilerdiń kólik júrgizý quqyǵyn bir jylǵa toqtatý josparlanyp otyr. Bul úshin joldaǵy quqyq buzýshylyqtardy esepteitin baldyq júie engizý máselesi qaralyp jatyr, , dep habarlaidy dalanews.kz.
Bul týraly Ishki ister ministri Erjan Sadenov Úkimet otyrysynda málimdedi.
Ministrdiń aitýynsha, qazirgi ýaqytta aiyppuldardy elemeitin jáne jol erejesin óreskel buzatyn júrgizýshiler bar. Olarǵa qatysty jaýapkershilikti kúsheitý úshin baldyq júie engizý pysyqtalyp jatyr.
«Qazir aiyppuldardy elemeitin óreskel tártip buzýshylar bar. Olarmen kúresý úshin baldyq júieni engizý máselesin pysyqtap jatyrmyz. Ol árbir quqyq buzýshylyq pen onyń aýyrlyǵyn eskeretin bolady. Birneshe ret jáne aýyr quqyq buzýshylyqtar úshin aiyppulmen qatar júrgizýshi kýáliginiń qoldanysyn bir jylǵa toqtatý qarastyrylyp otyr», – dedi Erjan Sadenov.
Jańa júie boiynsha júrgizýshiniń árbir quqyq buzýshylyǵy esepke alynyp, onyń aýyrlyǵyna qarai ball berilýi múmkin.
IIM basshysynyń aitýynsha, tiisti zańnamalyq túzetýlerdi ministrlik Quryltaidyń qaraýyna engizedi.
