Jezqazǵanda jol apatynan kámeletke tolmaǵan jolaýshy qaza tapty. Taǵy eki adam aýrýhanaǵa jetkizildi, dep habarlaidy dalanews.kz.
Jol apaty Sholohov kóshesinde bolǵan. Aldyn ala málimet boiynsha, BMW kóliginiń júrgizýshisi rólge ie bola almai, elektr jelisiniń baǵanasyna soǵylǵan.
Apat saldarynan kóliktegi kámeletke tolmaǵan jolaýshy alǵan jaraqatynan oqiǵa ornynda kóz jumǵan. Taǵy eki adam meditsinalyq kómek kórsetý úshin aýrýhanaǵa jetkizildi.
Jezqazǵan qalasynyń politsiia basqarmasy atalǵan jol apatyna qatysty sotqa deiingi tergep-tekserýdi bastady.
Qazirgi ýaqytta politsiia qyzmetkerleri jol apatynyń sebepteri men barlyq mán-jaiyn anyqtap jatyr. Tergeý barysy politsiia basshylyǵynyń baqylaýynda.
