Ahmet Syzdymanov Jezqazǵan qalasy ákiminiń orynbasary qyzmetine taǵaiyndaldy, dep habarlaidy dalanews.kz.
Bul týraly Jezqazǵan qalasynyń ákimdigi málimdedi.
Resmi aqparatqa sáikes, Ahmet Smaǵululy Syzdymanov buǵan deiin Sátbaev qalasy ákiminiń orynbasary qyzmetin atqarǵan.
Jańa qyzmetke taǵaiyndalǵan sheneýnik 1991 jylǵy 29 maýsymda Qaraǵandy oblysynda dúniege kelgen.
Ahmet Syzdymanovtyń eki joǵary bilimi bar. 2013 jyly Qazaq ulttyq tehnikalyq ýniversitetin «Munai jáne gaz ken oryndaryn igerý» mamandyǵy boiynsha támamdaǵan.
Al 2015 jyly D.A. Qonaev atyndaǵy kólik jáne quqyq gýmanitarlyq ýniversitetinde «Tasymaldaýdy, qozǵalysty uiymdastyrý jáne kólikti paidalaný» mamandyǵy boiynsha bilim alǵan.
Eńbek jolyn 2014 jyly Astana halyqaralyq áýejaiynda jolaýshylarǵa qyzmet kórsetý agenti bolyp bastaǵan.
Keiin ár jyldary «Bekairkz» JShS-de, «QTJ – Júk tasymaly» mekemesinde jáne «Qazaqmys korporatsiiasy» JShS-de túrli qyzmetter atqarǵan.
2022–2024 jyldary Jezqazǵan qalasyndaǵy «Jylý jáne sýmen jabdyqtaý kásipornynda» basshylyq qyzmetterde jumys istedi.
Atap aitqanda, atalǵan mekemede direktordyń orynbasary jáne materialdyq-tehnikalyq jabdyqtaý bóliminiń bastyǵy bolǵan.
Odan keiin Sátbaev qalasy ákiminiń orynbasary laýazymyna taǵaiyndalǵan.
Endi Ahmet Syzdymanov Jezqazǵan qalasy ákiminiń orynbasary retinde qyzmetin jalǵastyrady.
Ázirge onyń jańa qyzmetinde naqty qandai salalarǵa jetekshilik etetini týraly qosymsha aqparat jariialanǵan joq.
