Prezident Qasym-Jomart Toqaevtyń «Jańa tarihi kezeńdegi Qazaqstannyń ózekti mindetteri» atty Qazaqstan halqyna Joldaýy bastaldy, dep habarlaidy dalanews.kz.
Memleket basshysy:
«Dál osyndai qubylmaly zamanǵa qaramastan, Qazaqstan el damýynyń jańa dáýirine úlken senimmen qadam basyp, keń aýqymdy saiasi reformany iske asyrdy. Bul – dúnie júzinde óte sirek kezdesetin qubylys. Endi aldaǵy ýaqytta da elimizdiń egemendigin nyǵaitýymyz kerek. Bul – qazirgi álemdegi bulyńǵyr ahýalda ishki turaqtylyqty saqtai otyryp, ósip-órkendeý degen sóz. Osy jolda búkil qoǵam, sonyń ishinde otanshyl, belsendi, bilimdi azamattar qarqyndy eńbek etýi kerek. Quryltai depýtattaryna da úmitim zor. Osyndai jaǵdaida memlekettik apparat pen quqyq qorǵaý mekemeleriniń róli asa mańyzdy ekeni barshańyzǵa túsinikti.
Basqasha aitqanda, qazirgi býyn ókilderi, iaǵni biz kele jatqan jas urpaqtarǵa josparlar men tujyrymdar emes, ekonomikasy qýatty jáne qarqyndy, joǵary tehnologiialary damyǵan, bilim men ǵylymǵa negizdelgen, zańdy moiyndaityn, jasampaz ári ozyq, geosaiasi turǵydan kúshi men yqpaly bar Qazaqstandy qaldyrýymyz kerek. Bul – ultymyzdyń aldynda turǵan naǵyz strategiialyq mindet», - dedi prezident.
