Zeinetaqy qoryndaǵy qarjy MEGA oiyn-saýyq ortalyǵyn salýǵa jumsalatyn boldy
Zeinetaqy qoryndaǵy qarajattyń "Ekspo" aýmaǵyndaǵy qurylysqa jumsalatyny ótken aptada biraz jurtty dúrliktirdi. Ásirese, onyń "Mega" oiyn-saýyq ortalyǵyn salýǵa bólingeni tipti tańdai qaqtyrǵan. Qazaqstannyń damý banki Zeinetaqy qorynan 171 mlrd alǵan. Onyń 15 mlrdy "Ekspo" qurylysyna qalai bólingeni týraly, bir apta ótken soń, Jámishev túsindirdi.
Onyń aitýynsha, nesie "Báiterek Development" arqyly 15 jylǵa berilgen. Esesine "Báiterek" óz esep-shotyndaǵy qarajatty kepilge qoiypty. Bul bank sektorynda eń qaýipsiz qarjylyq ádis, iaǵni táýekelsiz tásil bolyp esepteledi, deidi.Demek, MEGA Silk Way jobasy qaryzdy qaitara almasa, zeinetaqy qoryna tiesili aqsha "Báiterekten" ustalady.Bolat Jámishev, "Qazaqstannyń Damý banki" AQ basqarma tóraǵasy:
- Bank tájiribesinde kepildik esep-shottaǵy aqsha eń tiimdi jáne qaýipsiz tásil. Sondyqtan bul jobaǵa quiǵan qarajattyń qaýipsizdgi senimdi bolyp esepeteledi. Banktiń portfelindegi basqa jobalaraǵa qaraǵanda. MEGA Silk Way aýmaǵy 140 myń sharshy shaqyrym eki qabatty oiyn-saýyq ortalyǵy. Batys bóligi Nazarbaev ýniversitetimen, shyǵysy "Eksponyń" negizi pavilonymen shektesedi, - dedi.
Osydan eki jyl buryn "Nur plaza" atala jazdaǵan. Belgili biznesmen Nurlan Smaǵulov jobany tanystyrý kezinde "jalpaqtaýdy ómirdiń ózi úiretti" degeni el esinde. Sóitip "Mega" dúkender jelisiniń qojaiyny Prezidentten bastap, bárin kúlkige qaryq qylǵan edi.
"Ekspo" aýmaǵynda alyp qurylys salyp jatqan Nurlan Smaǵulov biyl "Mega Astana" men "Mega Aqtóbesin" satyp jiberdi. Biznesmen tabysty jobalardy qarajat qajet bolǵandyqtan, qiǵanyn túsindirgen. Al Jamishev: "Ekinshi deńgeili bankter uzaq merzimdi jobalardy qarjylandyra almaidy. Qazir aqsha joq",- deidi. Oǵan qosa infraqurylymdyq jáne týristik joba retinde oiyn-saýyq ortalyǵy zeinetaqy qoryna qolqa salýǵa quqyly degendi aitty.
Ekonomist Aidarhan Qusaiynov: "Zeinetaqy qoryndaǵy qarajattyń túrli jobalarǵa investitsiialanatyny qalypty jaǵdai. Tek qarjy qaitarymy joǵary, tabysty jobalarǵa quiylýy kerek", - deidi. Aidarhan Qusaiynov, ekonomist:
- Zeinetaqy qoryndaǵy qarajat tekke jatpai jumys isteýi kerek. Ol "Ekspoǵa", bolmasa basqa jobalarǵa salynady. Aqsha bosqa jatyp, óspeitini belgili. Ony báribir bireýlerge beredi. Al kiris pen qaitarý táýekeli bar - bul qalypty qarjylyq instrýment. Ony qaryzǵa berý de solai. Al ony qaitarymy joǵary jobalarǵa quiý - ol bólek áńgime. "Qazaqstannyń damý banki" zeinetaqy qoryndaǵy aqshany naryqtyq 14 paiyzdyq ústemaqymen alyp, MEGA Silk Way qurylysyna 16,5 paiyzben qaryzǵa bergen. Jyl saiyn 1,5 paiyzdyq ósimmen 15 jylda qaitady.
Móldir BAQYTQYZY
