"Jetkiliktik shegi degen ne?" jáne ol qalai esepteletinine toqtalaiyn. "Jetkiliktilik shegi" belgili bir jastaǵy salymshyǵa zeinetaqy jinaqtarynyń eń az qajetti somasy degendi bildiredi. Onyń esebine toqtalsaq, árkimniń óz jasyna belgilenedi. Ol azamat zeinet jasyna deiin turaqty túrde jarnany keminde eń tómengi jalaqydan aýdaryp otyrǵan jaǵdaida, zeinetke shyqqannan keiin 82 jasqa deiin eń tómengi zeinetaqy mólsherinde alýǵa múmkindik beretin soma, qarajattyń kólemi. Sol qarajat bar bolsa, onyń asqanyn azamat ala alady", - dedi ministr.
Sonymen qatar ol "jetkiliktilik sheginiń" negizgi parametrlerin túsindirdi.
"Biz bul joly áielder men erler úshin birdei kórsetkishti belgilep otyrmyz. Ekinshiden, "jetkiliktilik sheginiń" mólsheri jyl saiyn eseptelip otyrady. Bul qalyptasqan parametrler jinaqtaýshy qorynda kiristilikke, infliatsiiaǵa qarai jáne eń tómengi tólem mólsheriniń ózgerýine qarai eseptelip otyrady. Sonymen qatar, "jetkiliktilik sheginiń" mólsheri ár jasqa bólek belgilenedi, 20 jastan bastap esepteledi", - dedi B. Nurymbetov.
"Aldyn ala esepteý boiynsha, mysaly, 30 jastaǵy azamat úshin "jetkiliktilik shegi" 2 mln 518 myń teńgeni quraidy. Osy somadan qalǵanyn olar joǵaryda kórsetilgen qajettilikterge qalaýy boiynsha jumsai alady. 35 jas úshin – 2 mln 961 myń teńge; 40 jas úshin – 3 mln 437 myń teńge; 45 jas úshin – 3 mln 947 myń teńge; 50 jas úshin – 4 mln 495 myń teńge; 55 jas úshin – 5 mln 084 myń teńge; 59 jáne odan úlken jas úshin 5 mln 586 myń teńge qajet. Budan asqan somany óz erkimen alýǵa quqyly. Osy "shekti" somalarǵa qol jetkizý tabysy eldegi ortasha ailyq jalaqy deńgeiinde bolatyn turaqty jumys isteitin azamattar úshin qoljetimdi", – dep túsindirdi ministr.
Budan buryn habarlanǵandai, Birjan Nurymbetov zeinetaqy jinaǵyn paidalanýǵa qatysty túsinik berip, ony kimder alatynyn aitqan edi.
Taǵy oqyńyz:
https://dalanews.kz/55957
