"جەتكىلىكتىك شەگى دەگەن نە؟" جانە ول قالاي ەسەپتەلەتىنىنە توقتالايىن. "جەتكىلىكتىلىك شەگى" بەلگىلى ءبىر جاستاعى سالىمشىعا زەينەتاقى جيناقتارىنىڭ ەڭ از قاجەتتى سوماسى دەگەندى بىلدىرەدى. ونىڭ ەسەبىنە توقتالساق، اركىمنىڭ ءوز جاسىنا بەلگىلەنەدى. ول ازامات زەينەت جاسىنا دەيىن تۇراقتى تۇردە جارنانى كەمىندە ەڭ تومەنگى جالاقىدان اۋدارىپ وتىرعان جاعدايدا، زەينەتكە شىققاننان كەيىن 82 جاسقا دەيىن ەڭ تومەنگى زەينەتاقى مولشەرىندە الۋعا مۇمكىندىك بەرەتىن سوما، قاراجاتتىڭ كولەمى. سول قاراجات بار بولسا، ونىڭ اسقانىن ازامات الا الادى"، - دەدى مينيستر.
سونىمەن قاتار ول "جەتكىلىكتىلىك شەگىنىڭ" نەگىزگى پارامەترلەرىن ءتۇسىندىردى.
"ءبىز بۇل جولى ايەلدەر مەن ەرلەر ءۇشىن بىردەي كورسەتكىشتى بەلگىلەپ وتىرمىز. ەكىنشىدەن، "جەتكىلىكتىلىك شەگىنىڭ" مولشەرى جىل سايىن ەسەپتەلىپ وتىرادى. بۇل قالىپتاسقان پارامەترلەر جيناقتاۋشى قورىندا كىرىستىلىككە، ينفلياسياعا قاراي جانە ەڭ تومەنگى تولەم مولشەرىنىڭ وزگەرۋىنە قاراي ەسەپتەلىپ وتىرادى. سونىمەن قاتار، "جەتكىلىكتىلىك شەگىنىڭ" مولشەرى ءار جاسقا بولەك بەلگىلەنەدى، 20 جاستان باستاپ ەسەپتەلەدى"، - دەدى ب. نۇرىمبەتوۆ.
"الدىن الا ەسەپتەۋ بويىنشا، مىسالى، 30 جاستاعى ازامات ءۇشىن "جەتكىلىكتىلىك شەگى" 2 ملن 518 مىڭ تەڭگەنى قۇرايدى. وسى سومادان قالعانىن ولار جوعارىدا كورسەتىلگەن قاجەتتىلىكتەرگە قالاۋى بويىنشا جۇمساي الادى. 35 جاس ءۇشىن – 2 ملن 961 مىڭ تەڭگە؛ 40 جاس ءۇشىن – 3 ملن 437 مىڭ تەڭگە؛ 45 جاس ءۇشىن – 3 ملن 947 مىڭ تەڭگە؛ 50 جاس ءۇشىن – 4 ملن 495 مىڭ تەڭگە؛ 55 جاس ءۇشىن – 5 ملن 084 مىڭ تەڭگە؛ 59 جانە ودان ۇلكەن جاس ءۇشىن 5 ملن 586 مىڭ تەڭگە قاجەت. بۇدان اسقان سومانى ءوز ەركىمەن الۋعا قۇقىلى. وسى "شەكتى" سومالارعا قول جەتكىزۋ تابىسى ەلدەگى ورتاشا ايلىق جالاقى دەڭگەيىندە بولاتىن تۇراقتى جۇمىس ىستەيتىن ازاماتتار ءۇشىن قولجەتىمدى"، – دەپ ءتۇسىندىردى مينيستر.
بۇدان بۇرىن حابارلانعانداي، ءبىرجان نۇرىمبەتوۆ زەينەتاقى جيناعىن پايدالانۋعا قاتىستى تۇسىنىك بەرىپ، ونى كىمدەر الاتىنىن ايتقان ەدى.
تاعى وقىڭىز:
https://dalanews.kz/55957
