Zań jobasyna sáikes 2021 jyldan bastap qazaqstandyqtarǵa zeinetaqy jinaqtarynyń bir bóligin turǵyn úi jaǵdailaryn jaqsartýǵa, qymbat turatyn emdelýdiń aqysyn tóleýge nemese jeke basqarýshy kompaniialarǵa basqarýǵa berý quqyǵy beriletin bolady.
Zeinetaqy jinaqtarynyń bir bóligin naqty qajettilikterge paidalaný quqyǵy:
- jumys isteitin, tiisti jasta zeinetaqy jinaqtary «jetkiliktilik sheginen» asatyn azamattarǵa (bolashaq jumys kezeńi men júieli túrde zeinetaqy jarnalaryn tóleýdi eskere otyryp, zeinetkerlik jasqa jetkennen keiin eń tómengi zeinetaqydan az bolmaityn zeinetaqy tólemderin qamtamasyz etýge jetkilikti zeinetaqy jinaqtarynyń somasy);
- saqtandyrý kompaniialarymen eń tómengi zeinetaqydan az bolmaityn mólsherde ómir boiǵy annýitettik tólemdi qamtamasyz etetin zeinetaqy annýiteti shartyna otyrǵan adamdarǵa – BJZQ-da qalǵan zeinetaqy jinaqtarynyń somasy sheginde (shamamen);
- zeinetkerlikke shyqqan azamattarǵa (onyń ishinde áleýetti qurylymdar qatarynan) - BJZQ-da qalǵan zeinetaqy qarajatynyń 50%-ynan aspaityn shekte. Eger olardyń zeinetaqysynyń jiyntyq mólsheri (jasyna nemese eńbek ótiline bailanysty zeinetaqyny, bazalyq zeinetaqyny jáne zeinetaqy jinaǵynan tólemderdi qosa alǵanda) joǵalǵan tabysty halyqaralyq standarttarǵa sáikes keletin deńgeide (keminde 40%-ǵa) almastyrýdy qamtamasyz etken jaǵdaida.
«Jetkiliktilik shegi» retinde belgili bir jastaǵy salymshy úshin onyń tabysynan BJZQ-ǵa aldaǵy 10% turaqty zeinetaqy jarnalaryn (eń tómengi jalaqydan az emes) eskere otyryp, eń tómengi zeinetaqy mólsherinen az bolmaityn zeinetaqy tólemderimen qamtamasyz etýge múmkindik beretin zeinetaqy jinaqtarynyń eń tómengi qajetti somasy qarastyrylady.
«Jetkiliktilik shegi» áielder men erler úshin birdei belgilenedi jáne árbir jas úshin esepteledi. Bul rette ol qalyptasqan parametrlerge (kiristilik, infliatsiia, eń tómengi tólem mólsheri jáne t. b.) súiene otyryp, jańa alýshylar úshin qaita esepteletin bolady.
Zań jobasynda sondai-aq joǵaryda atalǵan sanattaǵy azamattar zeinetaqy jinaqtarynyń bir bóligin ózderi, jubailary nemese jaqyn týystary (atalary/ájeleri, ata-analary, balalary, nemereleri, aǵa-inileri/apa-sińlileri) úshin turǵyn úi jaǵdailaryn jaqsartý maqsatynda nemese emdelýge aqy tóleýge paidalana alady. Maqsatty paidalaný úshin kórsetilgen otbasy músheleriniń qarajatyn biriktirýge bolady.
Belgilengen talaptarǵa sáikes kelgen jaǵdaida alyp qoiý sany boiynsha shekteýler kózdelmegen, iaǵni azamattar zeinetaqy jinaqtarynyń bir bóligin bir nemese basqa maqsatqa qaita paidalana alady.
Zeinetaqy jinaqtaryn tóleý esebinen turǵyn úi jaǵdailaryn jaqsartý tártibin QR Indýstriia jáne infraqurylymdyq damý ministrligi bekitedi.
Zeinetaqy jinaqtaryn tóleý esebinen meditsinalyq kómek alýǵa azamattardy jiberý qaǵidalaryn QR Densaýlyq saqtaý ministrligi aiqyndaityn bolady.
Zeinetaqy aktivterin senimgerlik basqarýǵa berý qaǵidalaryn QR Qarjy naryǵyn retteý jáne damytý agenttigi aiqyndaidy.
