Jetisý oblysy prokýratýrasynyń úilestirýimen politsiia organdary azamattardy bank shottaryna qol jetkizý múmkindigin zańsyz berýge tartý arqyly olardy keiinnen alaiaqtyq shemalarda paidalanýdy uiymdastyrǵan eki toptyń zańsyz qyzmetiniń jolyn kesti, dep habarlaidy dalanews.kz.
Atalǵan sanattaǵy qylmystardy anyqtaý jáne jolyn kesý jumystary internet-alaiaqtyqqa qarsy is-qimyl jasaý, sondai-aq azamattardyń múliktik quqyqtaryn qorǵaý jónindegi júieli sharalar sheńberinde júzege asyrylýda.
Qazaqstan Respýblikasy Qylmystyq kodeksiniń 232-1-babynyń 7-bóligi boiynsha tirkelgen qylmystyq isterdi sotqa deiingi tergep-tekserý barysynda qylmystyq árekettiń 12 epizody anyqtaldy. Alaiaqtyq áreketter saldarynan azamattarǵa keltirilgen jalpy materialdyq zalal 22 mln teńgeden asty.
Qylmystyq isterdiń biri boiynsha 2026 jylǵy 1 maýsymda sot 6 sottalýshyǵa qatysty aiyptaý úkimin shyǵardy. Olarǵa 1 jyl 6 aidan 4 jyl 6 aiǵa deiingi merzimge bas bostandyǵyn shekteý jazasy taǵaiyndaldy.
Úkim zańdy kúshine endi. Ekinshi qylmystyq is sottyń qaraýynda.
Biyl Jetisý oblysynda Qazaqstan Respýblikasy Qylmystyq kodeksiniń 232-1-baby boiynsha 31 qylmystyq is tirkeldi, onyń ishinde 16 is sotqa joldandy. Qalǵan ister boiynsha sotqa deiingi tergep-tekserý jalǵasýda.
