جەتٸسۋ وبلىسى پروكۋراتۋراسىنىڭ ٷيلەستٸرۋٸمەن پوليتسييا ورگاندارى ازاماتتاردى بانك شوتتارىنا قول جەتكٸزۋ مٷمكٸندٸگٸن زاڭسىز بەرۋگە تارتۋ ارقىلى ولاردى كەيٸننەن الاياقتىق سحەمالاردا پايدالانۋدى ۇيىمداستىرعان ەكٸ توپتىڭ زاڭسىز قىزمەتٸنٸڭ جولىن كەستٸ, دەپ حابارلايدى dalanews.kz.
اتالعان ساناتتاعى قىلمىستاردى انىقتاۋ جەنە جولىن كەسۋ جۇمىستارى ينتەرنەت-الاياقتىققا قارسى ٸس-قيمىل جاساۋ, سونداي-اق ازاماتتاردىڭ مٷلٸكتٸك قۇقىقتارىن قورعاۋ جٶنٸندەگٸ جٷيەلٸ شارالار شەڭبەرٸندە جٷزەگە اسىرىلۋدا.
قازاقستان رەسپۋبليكاسى قىلمىستىق كودەكسٸنٸڭ 232-1-بابىنىڭ 7-بٶلٸگٸ بويىنشا تٸركەلگەن قىلمىستىق ٸستەردٸ سوتقا دەيٸنگٸ تەرگەپ-تەكسەرۋ بارىسىندا قىلمىستىق ەرەكەتتٸڭ 12 ەپيزودى انىقتالدى. الاياقتىق ەرەكەتتەر سالدارىنان ازاماتتارعا كەلتٸرٸلگەن جالپى ماتەريالدىق زالال 22 ملن تەڭگەدەن استى.
قىلمىستىق ٸستەردٸڭ بٸرٸ بويىنشا 2026 جىلعى 1 ماۋسىمدا سوت 6 سوتتالۋشىعا قاتىستى ايىپتاۋ ٷكٸمٸن شىعاردى. ولارعا 1 جىل 6 ايدان 4 جىل 6 ايعا دەيٸنگٸ مەرزٸمگە باس بوستاندىعىن شەكتەۋ جازاسى تاعايىندالدى.
ٷكٸم زاڭدى كٷشٸنە ەندٸ. ەكٸنشٸ قىلمىستىق ٸس سوتتىڭ قاراۋىندا.
بيىل جەتٸسۋ وبلىسىندا قازاقستان رەسپۋبليكاسى قىلمىستىق كودەكسٸنٸڭ 232-1-بابى بويىنشا 31 قىلمىستىق ٸس تٸركەلدٸ, ونىڭ ٸشٸندە 16 ٸس سوتقا جولداندى. قالعان ٸستەر بويىنشا سوتقا دەيٸنگٸ تەرگەپ-تەكسەرۋ جالعاسۋدا.
