Vladimir Zelenskii Ýkraina óziniń qatysýynsyz jasalǵan beibit kelisimderge kelispeitinin aitty, dep jazady Dalanews.kz.
Ýkraina prezidenti Vladimir Zelenskii Miýnhendegi qaýipsizdik konferentsiiasynda sóilegen sózinde Vladimir Pýtinniń AQSh-pen jeke kelissózder júrgizgisi keletinin aitty, dep jazady "RBK-Ýkraina".
"Ýkraina óziniń qatysýynsyz tasada jasalǵan mámilelerge eshqashan kelispeidi. Dál osyndai ereje búkil Eýropa úshin qoldanylýy kerek. Ýkrainasyz Ýkraina týraly sheshim joq. Eýropasyz Eýropa týraly sheshim joq. Eýropa týraly sheshim qabyldanǵan kezde Eýropaǵa ústel basynda oryn bolýy kerek", - dedi ol.
Onyń aitýynsha, Ýkraina men Eýropasyz mámile jasalǵan jaǵdaida "bári utylady". Sondai-aq Zelenskii Pýtinniń AQSh-pen Ýkraina men Eýropanyń qatysýynsyz kelissózder júrgizýge tyrysyp jatqanyn aitty.
"Sodan keiin ne bolady deisizder me? Pýtin AQSh prezidentin osy jyldyń 9 mamyrynda Qyzyl alańda turatyndai etýge tyrysady. Qurmetti kóshbasshy retinde emes, onyń óz qoiylymyndaǵy rekviziti ispetti. Bizge bul qajet emes. Bizge naǵyz jetistik kerek. Shynaiy beibitshilik kerek", - dedi Zelenskii.
Sonymen qatar, Zelenskii Ýkraina odaqtastarymen birge Vladimir Pýtindi toqtatý úshin qaýipsizdik kepildigin daiyndaýy kerek ekenin atap ótti.
"Kelisim bizsiz bola almaidy. Eger bizde búgin sondai jalpy jospar bolmasa, onda meniń oiymsha, AQSh-ta da ondai jospar joq. Al eger olardyń qoldarynda birdeńe bolsa, ol bizge qatysty emes ekeni aian, biraq biz mundaidy qalamaimyz", - dedi Zelenskii.
Sonymen qatar, Zelenskii Ýkrainadaǵy sailaýǵa da toqtaldy. Onyń aitýynsha, ýkraindar áskeri jaǵdaidyń joiylý qaýpine bailanysty sailaý ótkizýdi qalamaidy.
"Men sailaý týraly sóz qozǵaýǵa daiynmyn. Ýkraindyqtar sailaýdy múldem qalamaidy, eger sailaý bolsa, biz soǵys jaǵdaiynan aiyrylyp qalamyz ba dep qorqamyz, sarbazdar úige oralsa, Pýtin búkil aýmaqqa bas salmai ma? Qazir bizde mobilizatsiia bar, birtutas organizm, birtutas elimiz bar, sondyqtan bolashaqta bul óte mańyzdy", - dedi Zelenskii.
Aita ketsek, 12 aqpanda AQSh prezidenti Donald Tramp Resei prezidenti Vladimir Pýtinmen telefon arqyly sóilesti. Kreml kelissózderdiń bolǵandyǵy týraly faktini rastady jáne Pýtin Trampty Máskeýge shaqyrǵanyn habarlady.
Resei Federatsiiasynyń basshysymen sóileskennen keiin Tramp Ýkraina prezidenti Vladimir Zelenskiige qońyraý shaldy. Zelenskiidiń aitýynsha, Tramp Pýtinmen arada bolǵan áńgimemen bólisken. Zelenskiimen sóileskennen keiin Tramp Ýkraina basshysy Pýtin siiaqty beibitshilik ornatqysy keletinin aitty.
Sondai-aq, Pýtin men Tramptyń kezdesýi Saýd Arabiiasynda bolýy múmkin ekendigi týraly habarlandy. Sonymen birge, arab eli kezdesýdi uiymdastyrýǵa daiyn ekenin bildirdi.
Al bir kún buryn Miýnhende qaýipsizdik konferentsiiasy bastaldy, ondaǵy basty másele AQSh prezidenti Donald Tramp jariialaǵan Ýkrainadaǵy soǵystyń aiaqtalýy týraly kelissózderdiń júrgizilý yqtimaldylyǵy boldy. Konferentsiia barysynda Zelenskii Pýtinmen kezdesýge daiyn bolatyn jaǵdaidy atady. Sonymen qatar, The Washington POS tilshisi Vladimir Zelenskii Ýkraina úshin kepildiktiń bolmaýyna bailanysty AQSh-pen metaldarǵa qatysty kelisimge qol qoimaǵanyn aitty. Búgin Zelenskii "Eýropanyń Qarýly kúshterin" qurýdy usyndy.
